ადამიანის უფლებათა კომიტეტის თავმჯდომარე, სოფო კილაძე ოპოზიციური პარტიების მიერ სასამართლო რეფორმაზე მემორანდუმის გაფორმებას ეხმაურება და ამბობს, რომ მათ "რამე თუ უნდოდათ", ხელისუფლებაში ყოფნისას უნდა გაეკეთებინათ. მისივე თქმით, მათ, რომ ისეთი სასამართლო სდომოდათ, როგორიც განვითარებულ ქვეყნებშია, "წნეხში არ ეყოლებოდათ".

"ნაციონალურ მოძრაობას და მის სატელიტებს ისეთი სასამართლო რომ სდომოდათ , როგორიც განვითარებულ, დასავლურ ქვეყნებშია, ისეთ წნეხში არ ეყოლებოდათ მოსამართლეები და პროკურატურა, როგორშიც ჰყავდათ. გამამართლებელი განაჩენები 1% იყო. თუ ასეთი კარგი ხედვა ჰქონდათ და რამე უნდოდათ, მაშინ შეეძლოთ გაეკეთებინათ. ახლა "ფიცის მწამს, ბოლო მაკვრივებსო" ანდაზის არიყოს, ასეთი სიტუაციაა", — განაცხადა სოფო კილაძემ.

დღეს, 13 მარტს ოპოზიციამ სასამართლო რეფორმასთან დაკავშირებით ერთიანი მემორანდუმი გააფორმა. მათი თქმით, რეფორმები ეტაპობრივად 2020 წლის არჩევნებში გამარჯვების შემდეგ დაიწყება. ამ თემასთან დაკავშირებით ერთიან მემურანდუმს ოპოზიციის წარმომადგენლებმა ხელი უზენაესი სასამართლოს წინ მოაწერეს.