პარლამენტის ადამიანის უფლებათა კომიტეტის თავმჯდომარე, სოფო კილაძე დედის დღესთან დაკავშირებით ფეისბუქზე პოსტს აქვეყნებს და წერს, რომ საჭიროა მეტი სახელმწიფოს და საზოგადოების მხრიდან მეტი ძალისხმევა, რათა დედებს არ კლავდნენ და მათზე არ ძალადობდნენ.

როგორც კილაძე წერს, ზოგჯერ მხოლოდ დედებზე სადღეგრძელოთი იფარგლებიან და საქმით საკადრის პატივისცემას და ზრუნვას არ იჩენენ.

"დედის დღეს გილოცავთ! დედას ქართული კულტურისთვის, ტრადიციებისთვის უდიდესი დატვირთვა აქვს. დედა არის ქალი და მას აქვს თავისი უფლებები, რომელიც ირღვევა, ხშირად - უხეშად. თუ ის, ვისაც ლომის წვლილი მიუძღვის მომავალი თაობის აღზრდაში, თავად იქნება არასწორი ფასეულობების მატარებელი ან დაუცველი, ეს მომავალ თაობებზეც ცუდად აისახება. უნდა გავუფრთხილდეთ დედებს, თუ გვინდა, რომ ჩვენს სამშობლოს ღირსეული მომავალი ჰქონდეს", — წერს სოფო კილაძე.