"საქართველო უფსკრულის პირას", — The Wall Street Journal-ის სარედაქციო საბჭომ საქართელოზე და ქართული ოცნების მმართველობაზე წერილი გამოაქვეყნა. სტატიაში წერია, რომ გასულ თვეში ათასობით ქართველი გამოვიდა ქუჩაში "პოსტ-საბჭოთა ქვეყნის ავტორიტარიზმისკენ მიმავალი გზის გასაპროტესტებლად".

The Wall Street Journal-ის წერილის დასაწყისშივე წერია, რომ ტრამპს შეუძლია, რუსეთის გამოსტაცოს ახალგაზრდა დემოკრატია. წერილის ავტორს მოყვანილი აქვს ამერიკელი კონგრესმენის, ადამ კინზინგერის ციტატა, სადაც ის ამბობს, რომ საარჩევნო რეფორმა საქართველოში გარდაუვალი ჩანდა.

"ბატონ ტრამპს ან სახელმწიფო დეპარტამენტს შეუძლიათ დემონსტრანტების ან ბატონი კინზინგერის დახმარება მხარდამჭერი განცხადებით. აშშ-ზე მეტის გაკეთება შეუძლია ბიძინა ივანიშვილს, რომელმაც ქაოტურ 1990-იანებში რუსეთში, თითქმის 5 მილიარდი დოლარი გამოიმუშავა და დასავლეთში ბევრ ფასიან ქაღალდსა და უძრავ ქონებას ფლობს.

ამ სიმდიდრის წინააღმდეგ სანქციების მიზნობრივი საფრთხე, ასევე, მისთვისა და მისი პარტნიორებისთვის გადაადგილების შეზღუდვა, ეს უკეთესად გამოფხილებს მას, ვიდრე საჯარო განცხადებები.

აშშ-ს არ შეუძლია საქართველოს მოვლენები უკარნახოს, მაგრამ მას შეუძლია მმართველ პარტიას ქმედებებისკენ უბიძგოს, რომელიც მის დემოკრატიულ სიტყვებს ემთხვევა — ქართულ პოლიტიკურ მოძრაობებს ახალი სიცოცხლე მისცეს, რომელსაც მოსკოს ვაშინგოტნი და ბრიუსელი ურჩევნია", — ვკითხულობთ სტატიაში.

ავტორი წერს, რომ ამერიკის შეერთებულ შტატებს ყოველთვის არ შეუძლია ასეთი რეგრესის თავიდან აცილება, მაგრამ პრეზიდენტ ტრამპს აქვს შანსი, თბილისს "მცირე ბიძგი" მისცეს დემოკრატიულ რელსებზე გადასასვლელად. სტატიაში მიმოხილულია ქართული ოცნების მმართველობის შვიდი წელი:

"შვიდი წელია ქვეყანას ეფექტურად მართავს ბიძინა ივანიშვილი, საქართველოს ყველაზე მდიდარი მოქალაქე და ქართული ოცნების თავმჯდომარე. 2012 წელს საპარლამენტო არჩევნების მოგების შემდეგ ივანიშვილმა მოკავშირეებთან ერთად შეარყია ქვეყნის დამოუკიდებელი ინსტიტუტები და ძალადობრივად დაშალა საპროტესტო აქციები.

დასავლეთისკენ სწრაფვის საჯაროდ აღიარებისთვის, მმართველმა პარტიამ განაცხადა, რომ სურთ ვაშინგტონთან თანამშრომლობა და ევროატლანტიკურ სივრცეში გაერთიანება, მაგრამ მათ უბიძგეს საქართველოს, კვლავ მოსკოვის გავლენის ქვეშ დაბრუნებულიყო.

ზაფხულის განმავლობაში ქართულმა ოცნებამ რუსეთის დუმის წევრები დაპატიჟა საქართველოს პარლამენტში. სცენამ, თუ როგორ ზის რუსი პოლიტიკოსი პარლამენტის სკიპერის სავარძელში, ბევრი ქართველი აღაშფოთა. დემონსტრაციების შესაჩერებლად, ივანიშვილი ხალხს საარჩევნო რეფორმებს და მომდევნო არჩევნებში ოპოზიციის მეტ გავლენას დაჰპირდა.

ოპტიმისტური მომენტი დიდხანს არ გაგრძელებულა. სექტემბერში შინაგან საქმეთა მინისტრი, გიორგი გახარია — რომლის გადადგომასაც დემონსტრანტები ითხოვდნენ — პრემიერ-მინისტრად ოპოზიციასთან ანგარიშსწორების დაპირებით წარადგინეს.

ბატონმა გახარიამ უარი თქვა დაპირებულ საარჩევნო რეფორმაზე, დემონსტრანტების წინააღმდეგ უფრო სასტიკი გახდა და პოლიტიკურ ფიგურებს დიდხნიანი პატიმრობით ემუქრებოდა.

ამ მოვლენების ფონზე თეთრი სახლი ხმას არ იღებს, მაგრამ საქართველოსთვის ჯერ კიდვე გვიანი არაა. ერთ დროს ქვეყანა ანტიკორუფციული მოდელი იყო ისეთი ქვეყნებისთვის, როგორიცაა უკრაინა, მას ჯერ კიდევ აქვს თავისუფალი და ძლიერი პრესა, მაგრამ ალყაშია მოქცეული პოლიტიკური ოპოზიცია".