გასამხედროებული ორგანიზაცია "მხედრიონის" ერთ-ერთი მეთაურის, დოდო გუგეშაშვილის ორგანიზაციამ "დაიცავი შენი წილი სამშობლომ", ოცნების პარლამენტს ლგბტ მარშებისა და ფერადი სიმბოლიკის აკრძალვის შესახებ საკანონმდებლო წინადადებით მიმართა.

"გთხოვთ, სასწრაფოდ მიიღოდ კანონი, საქართველოში ლგბტ ე.წ. მარშების აკრძალვის შესახებ. ასევე, საზოგადოების თავშეყრის ადგილებში აკრძალული უნდა იყოს კანონით, ფერადოვანი ლგბტ ჭინჭები" — ნათქვამია საკანონმდებლო ინიციატივაში [სტილი დაცულია]

საკანონმდებლო წინადადება 2 აპრილით თარიღდება. ცნობისთვის, ქართული ოცნების პარლამენტის ბიუროს 4 მარტს გამართულ სხდომაზე ოცნების პარლამენტის თავმჯდომარემ, შალვა პაპუაშვილმა განაცხადა, რომ არსებობს საკანონმდებლო წინადადება ლგბტ მარშების და "შესაბამისი ფერადი ნივთების აკრძალვის შესახებ", რომელიც განსახილველად პარლამენტის ადამიანის უფლებათა კომიტეტს გადაეცემა.