ამ დროისთვის მარნეულის 48-ე უბანზე დენი გათიშულია. უბნის კომისიის თავდჯომარის განმარტებით, თავისი არჩევანი 680-მა ამომრჩეველმა დააფიქსირა, ხოლო ამომრჩეველთა აქტივობა საშუალოა:

"სულ 8 საჩივარია დაფიქსირებული, პროცედურულ დარღვევებზე. შეგვექმნა ტექნიკური პრობლემა, დენი გამოირთო. პროცესი 2 წუთით შეჩერდა შუქის წასვლის გამო. თუმცა, პრობლემა მოგვარებულია. ყუთს არავინ არ შეხებია. ბიულეტენი არავის ჩაუგდია ამ პერიოდში. რაც შეეხება ხმების დათვლას, კომისიის თავმჯდომარის განმარტებით ამ პროცესს დაახლოებით 1 საათი ან საათნახევარი დასჭირდება".

შენობაში ელექტროენერგიის შეყვანას გარედან ცდილობენ. ხალხმრავლობაა როგორც უბნის მიმდებარე ტერიტორიაზე ისე კენჭისყრის შენობაში. დამკვირვებელთა განცხადებით, ვერ ხერხდება ნაკადის რეგულირება, რაც გარკვეულ დისკომფორტს იწვევს.