ლეიბორისტული პარტიის წევრს, ლაშა ჩხარტიშვილს რვადღიანი ადმინისტრაციული პატიმრობა შეუფარდეს. ის 29 ნოემბერს ეროვნული ბიბლიოთეკის წინ მიმდინარე საპროტესტო აქციაზე დააკავეს.

თვითონ ჩხარტიშვილი გადაწყვეტილების გამოცხადებას დასწრებია, რადგან მოსამართლე ვალერიან ფილიშვილმა სასამართლოს შეურაცხყოფისთვის 300 ლარით დააჯარიმა და სხდომის დარბაზიდან გააძევა.

პირველი არხის ინფორმაციით, ჩხარტიშვილმა მოსამართლის აცილება მოითხოვა. მისი თქმით, ვალერიან ფილიშვილი მიკერძოებულია და საპროტესტო აქციის წარმომადგენლების მიმართ მიკერძოებულ გადაწყვეტილებებს იღებს.

მოსამართლემ მას უთხრა, რომ ის იღებს კანონიერ გადაწყვეტილებებს, რასაც ჩხარტიშვილი არ დაეთანხმა. ვალერიან ფილიშვილმა ის გააფრთხილა, რომ მიეცა მისთვის პოზიციის დაფიქსირების საშუალება. საბოლოოდ, მოსამართლემ ის დააჯარიმა და დარბაზიდან გააძევა.

ლაშა ჩხარტიშვილი ხუთ ადამიანთან ერთად 29 ნოემბერს ეროვნული ბიბლიოთეკის წინ მიმდებარე აქციაზე დააკავეს. მას ბრალი ადმინისტრაციული სამართალდარღვევათა კოდექსის 166-ე და 173-ე მუხლებით აქვს წარდგენილი, რაც წვრილმან ხულიგნობასა და პოლიციელის მოთხოვნის დაუმორჩილებლობას გულისხმობს.

თვითონ ჩხარტიშვილი გადაწყვეტილების გამოცხადებას არ დასწრებია, რადგან მოსამართლე ვალერიან ფილიშვილმა სასამართლოს შეურაცხყოფისთვის 300 ლარით დააჯარიმა და სხდომის დარბაზიდან გააძევა.

ბოლო დღეების მოვლენები

მას შემდეგ, რაც ქართული ოცნების დეპუტატებმა პროპორციული საარჩევნო სისტემის კანონპროექტი ჩააგდეს, საქართველოს მასშტაბით სხვადასხვა ქალაქებში საპროტესტო აქციები იმართება. პროტესტის ფარგლებში პიკეტირებული იყო მთავარი საკანონმდებლო ორგანოც, რომლის შესასვლელებიც ხელისუფლებამ ორჯერ სპეცრაზმისა და წყლის ჭავლის გამოყენებით გახსნა.

აქციის დაშლის შემდეგ ოპოზიციამ და სამოქალაქო აქტივისტებმა პროტესტი ახალი ფორმა "მაინც დაგაბოქლომებთ" დაიწყეს. ისინი სხვადასხვა ადმინისტრაციულ შენობებსა და ქართული ოცნების დეპუტატების ოფისებს ბოქლომებს ადებენ.

მას შემდეგ, რაც პარლამენტის პიკეტი მესამედ დაანონსდა, ხელისუფლებამ პარლამენტის მიმდებარე ქუჩები რკინის კონსტრუქციებით ჩაკეტა. კონსტრუქციები ხელს უშლიდა მოქალაქეებს გადაადგილებაში. პოლიციამ გზები აქციის დაშლის შედეგ გაათავისუფლა.