პოლარული ციალი ჩვენი სამყაროს ერთ-ერთი ყველაზე მაგიური შემოქმედებაა, ამიტომ გასაოცარი არაა, რომ ადამიანებს სიცოცხლეში ერთხელ მაინც სურთ ცაზე მოცეკვავე ნეონური ნათებების ნახვა.

მათ, ვინც კანადაში, ისლანდიაში ან ნორვეგიაში არ დაიბადა, თვალისმომჭრელი სანახაობის გამოსაცდელად მოგზაურობა დარჩენია. ამისთვის კი აუცილებელია იმ ადგილებისა და დროის ცოდნა, როცა ჩრდილოეთის ციალის ნახვაა შესაძლებელი.

გადავწყვიტეთ, საქმე გაგიმარტივოთ და შემოგთავაზოთ ადგილები, საიდანაც საოცარ ნათებას დაედევნებით.

1. ისლანდია

ისლანდია ის ადგილია, რომელიც მხოლოდ ჩრდილოეთის ნათების გამო არ უნდა მოინახულოთ, თუმცა თუ მოგზაურობისას მისი გამოტოვებაც არ გსურთ, მაშინ სამოგზაუროდ აგვისტოდან აპრილამდე პერიოდი უნდა შეარჩიოთ.

2. ალასკა

თუ აშშ-ში ყოფნისას ალასკას ქალაქ ფერბენკსს სექტემბრიდან აპრილის შუალედამდე ეწვევით, დიდი შანსია, რომ ეს ზღაპრული სანახაობა არ გამოტოვოთ.

3. კანადა

კანადის ჩრდილოეთით მდებარე ქალაქ იელოუნაიფშიც ჩრდილოეთის ნათების ნახვა აგვისტოს დასასრულიდან აპრილის შუა რიცხვებამდეა მოსალოდნელი.

4. ნორვეგია

ტრომსეს არქტიკული წრიდან 350 კილომეტრი აშორებს. ჩრდილოეთ ნორვეგიის ერთ-ერთ უდიდესი ქალაქის სიახლოვეს მოქალაქეები და ტურისტები არც ისე იშვიათად ტკბებიან ჩრდილოეთის ნათების სანახაობით. მოვლენა სექტემბრის შუალედიდან მარტის დასასრულამდე ფიქსირდება ხოლმე.

5. ჩრდილოეთ შვედეთი

შვედეთის ჩრდილოეთით მდებარე პატარა ქალაქი კირუნა ყველაფერს დაგახვედრებთ, რასაც სკანდინავიის ქვეყნებისგან ელოდებით — ყინულის სასტუმრო, აბისკუს ეროვნული პარკი და უამრავი ირემი. ამ ყველაფერს კი ჩრდილოეთის ნათებაც ემატება. ამინდი კირუნაში ბევრად უფრო სტაბილურია, ვიდრე ნორვეგიის სანაპიროზე, თუმცა სიცივისთვის მზად იყავით. ჩრდილოეთის ციალის ნახვა აქ სექტემბრის შუალედიდან მარტის დასასრულამდე შეგეძლებათ.

6. ფინეთი

ფინეთში, ლაპლანდიის რეგიონში როვანიემი ერთ-ერთი უდიდესი ქალაქია, რომელიც ეროვნული პარკებითაა გარშემორტყმული. ხეების გაყინულ ტოტებზე არეკლილ ჩრდილოეთის ციალზე უფრო მშვენიერ სანახაობას ხშირად ვერ ნახავთ.

შვედეთის მსგავსად, ჩრდილოეთის ციალს ფინეთშიც სექტემბრიდან მარტამდე უნდა ელოდოთ.

7. გრენლანდია

გრენლანდიის ჩრდილოეთით, სადაც აისბერგერბი ზაფხულობითაც კი დაცურავენ, შესაძლოა ამ საოცარ სანახაობას შეესწროთ. თუმცა, უდიდესი კუნძულისკენ ბილეთს აუცილებლად ზაფხულში ნუ იყიდით — ჩრდილოეთის ნათება აქ ყველაზე ხშირად აგვისტოდან-მაისამდე პერიოდში ხდება.

8. ავსტრალია

სრულიად გასაგებია, რომ ჩრდილოეთის ნათება ბევრად უფრო ხშირად გესმით, ვიდრე — სამხრეთის, რადგან სამხრეთ ნახევარსფეროში ნაკლები ადგილებია, სადაც შეგიძლიათ ციალს თვალი ადევნოთ. ამ საოცარი და ფერადი დიდებულების სანახავად ავსტრალია ერთ-ერთი საუკეთესო არჩევანია, სადაც ბნელი ღამეები აქტიურ ციალს სამხრეთის ჰორიზონტზე გამოკვეთილად გიჩვენებენ.

საუკეთესო დრო, სამხრეთის ციალის სანახავად, ბუნიაბოაა — ამ დროს მზე ზენიტშია ჩრდილოეთ ტროპიკის მიმართ, ამიტომ სამხრეთი ნახევარსფერო გაცილებით ნაკლებ სინათლეს იღებს. ბუნიაობა წელიწადში ორჯერ, დაახლოებით 20 მარტს და 23 სექტემბერს ხდება.

9. ახალი ზელანდია

სამხრეთის ციალის ნახვა ახალ ზელანდიაშიც შეგიძლიათ და ისევე როგორც ავსტრალიაში, ამ გამოცდილებისთვის ბუნიაობის პერიოდი უნდა შეარჩიოთ.

გაინტერესებს, სად უნდა იპოვო ყველაზე იაფი ავიაბილეთები? Aviabiletebi.org სწორედ ამისთვის შექმნილი პლატფორმაა. მისი აპლიკაცია, რომელიც ხელმისაწვდომია როგორც ანდროიდის, ისე iOS სისტემისთვის საშუალებას გაძლევთ, ბილეთების გარდა, ერთ სივრცეში მოძებნოთ სასტუმროებიც, ჰოსტელებიც და Airbnb-ის ბინებიც.