ოპოზიციური პარტიების მოთხოვნაა, რომ ჩატარდეს ვადამდელი არჩევნები პროპორციული წესით. ამის შესახებ ოპოზიციური პარტიების ლიდერებმა ლეიბორისტულ პარტიაში შეხვედრის შემდეგ განაცხადეს.

შეხვედრას ესწრებოდნენ: რესპუბლიკური პარტიის, ნაციონალური მოძრაობის, ევროპული საქართველოს, ლეიბორისტების და სხვა პარტიების წარმომადგენლები.

"ჩვენი ფორმულაა ყველა მინუს ერთი... დღეს ხელისუფლებამ შეძლო, რომ ყველა დაიპირისპირა", — განაცხადა საპარლამენტო ოპოზიციის წარმომადგენელმა, ეკა ბესელიამ.

პარტიების წარმომადგენლებმა შეხვედრა მას შემდეგ დაგეგმეს, რაც მმართველმა პარტიამ მის მიერვე ინიცირებული კანონპროექტი ჩააგდო. ამ საკონსტიტუციო ცვლილებით 2020 წლის არჩევნები პროპორციული წესით უნდა ჩატარებულიყო.