იუსტიციის მინისტრის, თეა წულუკიანის განცხადებით, მსჯავრდებულ დეკანოზ გიორგი მამალაძის შეწყალების განხილვას პრეზიდენტის მორატორიუმი არ ეწინააღმდეგება. ამაზე მან დღეს, პირველ ნოემბერს მთავრობის სხდომის შემდეგ ისაუბრა:

"მე არ მგონია, რომ ეს მორატორიუმი, რომელიც ზეპირად გაცხადდა და მას არ აქვს რაიმე ტიპის კანონიერი საფუძველი, თუმცა, ის უკანონო არ არის, რომ პრეზიდენტმა, როცა ის ჩათვლის საჭიროდ შუამდგომალობა განიხილოს".

წულუკიანის თქმით, შუამდგომლობაში, რომლითაც სინოდმა მიმართა პრეზიდენტს, ჯანმართელობის მდგომაროების მიზეზით შეწყალებაზე საუბარი არაა:

"განჩინებასა და შუამდგომალობაში აღნიშნულია, რომ სინოდმა გადაწყვიტა საქართველოს პრეზიდენტს მიმართოს მამალაძის შეწყალების თხოვნით ორი მიზეზით, ერთი ეს არის ოჯახური მდგომარეობა და მეორე არის შეწყალების არაერთგზის მოთხოვნა. არაფერი ამ შუამდგომლობაში არ წერია, რომ ეს შუამდგომალობა გაკეთდა ჯანმართელობის მდგომარეობიდან გამომდინარე".

ციანიდის საქმე

დეკანოზი გიორგი მამალაძე 2017 წლის 10 თებერვალს თბილისის საერთაშორისო აეროპორტში დააკავეს. დეკანოზის დაკავების შესახებ ინფორმაცია პროკურატურამ 13 თებერვალს გაავრცელა. მას პატრიარქის მდივან-რეფერენტის, შორენა თეთრუაშვილის მკვლელობის მომზადება ედება ბრალად. შორენა თეთრუაშვილი, ილია მეორესთან ერთად, აღნიშნულ პერიოდში ბერლინში იყო, სადაც პატრიარქი მკურნალობდა.

დეკანოზი გიორგი მამალაძე სასამართლომ დამნაშავედ სცნო და მას შორენა თეთრუაშვილის განზრახ მკვლელობის მომზადებისა და იარაღის უკანონო შენახვა-ტარებისთვის ცხრაწლიანი პატიმრობა მიუსაჯა.

თბილისის სააპელაციო სასამართლომ დეკანოზ გიორგი მამალაძის მიმართ გამოტანილი განაჩენი ძალაში დატოვა, უზენაესმა სასამართლომ კი დაუშვებლად სცნო.