უზენაესის მოსამართლეობის კანდიდატი გიორგი მიქაუტაძე ფიქრობს, რომ სოციალურ ქსელში გინება ხულიგნობის ნიშნებს არ შეიცავს.

"სოციალურ ქსელში შეურაცხყოფა ხულიგნობის შემადგენლობას არ გვაძლევს, ნაკლებად გვაძლევს, არ ჩაითვლება ეს" — განაცხადა მან იურიდიული კომიტეტის სხდომაზე დასმული კითხვის პასუხად.

რამდენიმე კვირის წინ თბილისის საქალაქო სასამართლომ სამართალდამრღვევად ცნო სტუდენტი ბუბა ნაჭყებია, რომელმაც ფეისბუქის დახურულ ჯგუფში ლექტორს აგინა. ნაჭყებიას თქმით, სასამართლომ "გაითვალისწინა მისი პიროვნება" და სახდელი არ დააკისრა, თუმცა ამ გადაწყვეტილებით დაუნგრია მომავალი იურისტის კარიერა. მისივე თქმით, დანებებას არ აპირებს და გადაწყვეტილება სააპელაციო სასამართლოში გაასაჩივრებს.