იუსტიციის ყოფილი მინისტრი, ზურაბ ადეიშვილი საქართველოში მოღვაწე ბიზნესმენებს მიმართავს, რომ დაივიწყონ "ადეიშვილის შიში", რადგან არცერთ ხელისუფლებაში, არცერთ კონფიგურაციაში არ აპირებს. ამის შესახებ ზურაბ ადეიშვილმა ნიკა გვარამიასთან ინტერვიუში ისაუბრა:

"მე ეს ნამდვილად აღარ მაინტერესებს. საქართველოში მშვიდად ცხოვრება, რა თქმა უნდა, მინდა, მაგრამ ამავე დროს მინდა საგანმანათლებლო პროექტები. ჩემთვის მინდა ის, რაც ამდენი ხნის განმავლობაში არ ვაკეთეთ — ქართული საგანმანათლებლო პროექტები".

ზურაბ ადეიშვილს ე.წ. ცხრაწლიანი რეჟიმის ერთ-ერთ მთავარ პირად განიხილავენ. წინა ხელისუფლების დროს ის სხვადასხვა დროს იყო გენერალური პროკურორი და იუსტიციის მინისტრი. 2017 წელს ზურაბ ადეიშვილი ვანო მერაბიშვილთან ერთად აკურას ღვინის ქარხნის ჩამორთმევის საქმეზე დამნაშავედ სცნეს და 2 წლით თავისუფლების აღკვეთა მიესაჯა. ამნისტიის შესახებ საქართველოს კანონის გამოყენებით საბოლოოდ განესაზღვრა 1 წლით და 6 თვის ვადით თავისუფლების აღკვეთა.