ჩვენმა მკითხველმა უკვე იცის, რომ ზაფხულის ამ მცხუნვარე დღეებში თბილისის ზოოპარკში ზებრამ უსაყვარლესი კვიცი გააჩინა.

ეჭვი გვაქვს, რომ ცხოველები ახლა ერთმანეთს ეჯიბრებიან, თუ ვის უფრო საყვარელი შვილი ეყოლება, რადგან, ცოტა ხნის წინ ასევე თბილისის ზოოპარკის ოფიციალური გვერდიდან გავიგეთ, რომ ამჯერად ნიამორმა იმშობიარა და ორი ლამაზი პატარა გააჩინა.

"ესეც ჩვენი მორიგი ახალშობილი! თან მხოლოდ ერთი კი არაა, მეორეცაა. ზუსტად ასეთი. დიახ, დიახ, ორი კოპწია და ლამაზი ნიამორი გაგვიჩნდა", — წერია გამოქვეყნებულ პოსტში.

როგორც ხედავთ, ახლა გაცილებით მეტი მიზეზი არსებობს, რომ თბილისის ზოოპარკს ვეწვიოთ და ზრდასრულ ცხოველებთან ერთად, მათი ახალშობილებიც მოვინახულოთ.