საქართველოს პარლამენტმა ნაციონალური მოძრაობის დეპუტატს, ნიკა მელიას იმუნიტეტი შეუჩერა და პროკურატურას უფლება მისცა დააკავოს. ახლა მხოლოდ სასამართლოს განჩინებაა საჭირო.

დადგენილების მიღებას 91-მა დეპუტატმა დაუჭირა მხარი, თუმცა პარლამენტში რეგისტრაცია 94 დეპუტატს ჰქონდა გავლილი. მელიასთვის იმუნიტეტის შეჩერების პროცესში მონაწილეობა არ მიიღეს ქართული ოცნების დეპუტატებმა: რომან კაკულიამ და ბექა ოდიშარიამ. სხდომას ესწრებოდა, თუმცა არც რეგისტრაცია გაიარა და არც კენჭისყრაში არ მიიღო მონაწილეობა მარიამ ჯაშმა.

განახლება: მასალის თავდაპირველ ვერსიაში მოხსენიებული იყო, რომ მირიან წიკლაური ქართული ოცნების წევრია, თუმცა ის პატრიოტთა ალიანსის ფრაქციაშია. არც მან მისცა ხმა მელიასთვის იმუნიტეტის მოხსნას.

ამავე თემაზე: