რუსეთის პრეზიდენტმა, ვლადიმერ პუტინმა ხელი მოაწერა განკარგულებას, რომლითაც უკრაინის ზოგიერთ მოქალაქეს რუსეთის მოქალაქეობის მიღება გაადვილებული წესით შეუძლია.

განკარგულების მიხედვით, გაადვილებული წესით რუსეთის მოქალაქეობას მიიღებენ უკრაინის მოქალაქეები და პირები მოქალაქეობის გარეშე, რომელიც ყირიმში დაიბადნენ და იქ 2014 წლის 18 მარტამდე ცხოვრობდნენ და ისინი, ვინც საბჭოთა კავშირის დროს ყირიმიდან იყო დეპორტირებული.

გარდა ამისა, განკარგულება შეეხებათ მათ, ვინც ოკუპირებულ დონბასში 2014 წლის აპრილამდე ცხოვრობდა და ამჟამად რუსეთში ცხოვრების უფლება აქვთ.

ეს პირველი შემთხვევა არაა, როდესაც ვლადიმერ პუტინი უკრაინელებს მოქალაქეების მიღებას უადვილებს. 24 აპრილს პუტინმა გამოსცდა განკარგულება, რომლითაც დონეცკისა და ლუგანსკის თვითგამოცხადებული რესპუბლიკების მცხოვრებლები რუსეთის მოქალაქეობას გამარტივებული წესით მიიღებენ.

განკარგულების მიხედვით, არაღიარებული რესპუბლიკების მცხოვრებლების მხრიდან რუსეთის მოქალაქეობის მიღების შესახებ განაცხადს 3 თვის ვადაში განიხილავენ.