საქართველოს პრეზიდენტის, სალომე ზურაბიშვილი 9 აპრილის გმირის თამარ ჭოველიძის სახელისა და გვარის არხსენებას "უნებლიეთ გამოტოვებას" უწოდებს. ამ საკითხს პრეზიდენტი Facebook-ში გამოეხმაურა.

"მგონი, რომ ვინც მიედ-მოედება და აქცენტს აკეთებს სხვადასხვა ვითომ "სკანდალურ" ამ დღის მოვლენებზე... ჩემს შეცდომაზე ამახვილებს მთელ ყურადღებას, იმან, მთავარი ვერ გაიგო და ვერ გაიაზრა, რაც მოხდა დღეს", — განმარტა პრეზიდენტმა ფეისბუქზე გამოქვეყნებულ პოსტში.

სალომე ზურაბიშვილს პრეზიდენტის მიღებაზე 9 აპრილს დაღუპული გმირების ჩამოთვლისას 16 წლის თამარ ჭოველიძე გამორჩა, ეკა ბეჟანიშვილის გვარი კი შეცდომით წაიკითხა. თამარ ჭოველიძის მამამ არკადი ჭოველიძემ ავლაბრის ცერემონიების სასახლე და პრეზიდენტის მიღება პროტესტის ნიშნად დატოვა. ბეჟანიშვილის დედა, ლალი ყანჩაველი კი მიღებაზე არ დაპატიჟეს.