რუსეთში სახელმწიფო დუმის არჩევნები მიმდინარეობს. ინფორმაციას Ekhokavkaza ავრცელებს.

არჩევნებში 14 პარტია მონაწილეობს, რომლებიც პარლამენტში 450 ადგილის მოსაპოვებლად იბრძვიან. დუმის არჩევნები რუსეთის გარდა, ოკუპირებულ აფხაზეთში, სამხრეთ ოსეთსა და უკრაინის ტერიტორიაზეც მიმდინარეობს.

აფხაზეთში, გუდაუთისა და გაგრის რაიონში სულ 900 ამომრჩეველია რეგისტრირებული. სამხრეთ ოსეთში 12 საარჩევნო უბანია გახსნილი: 4 სამხედრო ბაზის ტერიტორიაზე, დანარჩენი 10 კი ცხინვალსა და რეგიონის სხვა რაიონებში.

რუსეთის დუმის არჩევნებისთვის საარჩევნო უბნებია გახსნილი კიევში - რუსეთის საელჩოში და ოდესაში - რუსეთის გენერალურ საკონსულოში. რუსეთის მიერ ანექსირებულ ყირიმში კი 1164 საარჩევნო ოლქია გახსნილი.

არჩევნები მოსკოვის დროით საღამოს 9 საათზე დასრულდება.