პენიტენციური სამსახურის ინფორმაციით, 5 თებერვალს იუსტიციის სამინისტროს გამომძიებლებმა ქსნის N15 დაწესებულების სამართლებრივი რეჟიმის განყოფილების ინსპექტორ-კონტროლიორი ციხეში ნარკოტიკული საშუალების შეტანის ბრალდებით დააკავეს.

პენიტენციურმა სამსახურმა და იუსტიციის სამინისტრომ ამის შესახებ ერთობლივი განცხადება რუსთავი 2-ის მომზადებული სიუჟეტის შედეგ გაავრცელეს, რომელიც ციხეებში არსებულ ვითარებას ეხება.

პენიტენციური სამსახურის ცნობით, ციხის თანამშრომელს ბრალდება სისხლის სამართლის კოდექსის 260-ე მუხლის პირველი ნაწილით და 19-378¹ მუხლის მეორე ნაწილის "დ" ქვეპუნქტით და მესამე ნაწილით წარედგინა, რაც ნარკოტიკული საშუალების უკანონო შეძენა-შენახვასა და პენიტენციურ დაწესებულებაში სამსახურებრივი მდგომარეობის გამოყენებით მსჯავრდებულისათვის აკრძალული საგნის — ნარკოტიკული საშუალების გადაცემის მცდელობას გულისხმობს.