თბილისის მერმა, კახა კალაძემ "მწვანე ეკონომიკის" ფარგლებში კიდევ ერთხელ ისაუბრა Car Sharing-ის პროგრამაზე. მოქალაქეებს მანქანის მოძებნა მობილური აპლიკაციით შეეძლებათ, გამოყენების შემდეგ კი მისი თბილისის ნებისმიერ პარკირებაზე დატოვება.

პროგრამას კომპანია aicar ახორციელებს. კომპანიის დირექტორმა, გიორგი ხუროძემ BM.GE-სთან საუბრისას აღნიშნა, რომ თბილისის მასშტაბით სამი ათასი ელექტრო ავტომობილი იმოძრავებს.

BM.GE-ის ინფორმაციით, სერვისის სარგებლობის ღირებულება მოქალაქეებს ბარათიდან ჩამოეჭრებათ. ტარიფები განვლილი მანძილითა და დროის თანაფარდობით დაანგარიშდება: 1 კმ — 45 თეთრი, 1 წთ — 8 თეთრი.