რა უნდა ვიცოდეთ ბავშვების სექსუალური მომწიფებისა და მასტურბაციის შესახებ?
ჩვილებისა და ახალშობილების სექსუალურ მომწიფებაზე საუბარი თითქოს ნაადრევია, თუმცა, რეალურად ბავშვები სწორედ ასეთი ადრეული ასაკიდანვე იწყებენ სექსუალობის აღქმას. სიარულის სწავლასთან ერთად, მათ უკვე აქვთ უნარი, შეამჩნიონ საკუთარი სხეული და დაიწყონ ფიქრი ინტიმურ ადგილებზე.
ახალშობილები და ჩვილები
ბავშვებს ყველაზე ადრეული ემოციური მიდრეკილება მშობლებთან ფიზიკური კონტაქტით უჩნდებათ, რაც სიყვარულისა და სითბოს გამომხატველია. როცა ადრეული ასაკიდანვე ბავშვს ეხებიან, ეხუტებიან, კოცნიან ან უღიტინებენ, მას უჩნდება განცდა, რომ სიყვარული სწორედ ასეთ ფიზიკურ შეგრძნებებთან უნდა ასოცირდებოდეს. აქედან გამომდინარე, ბავშვებს ამ ასაკიდანვე უყალიბდებათ ინდივიდუალური ახსნა იმისა, თუ რას შეიძლება ნიშნავდეს ფიზიკური ინტიმურობა ან სიყვარული, ანუ ის გრძნობა, რასაც ისინი სითბოს მიღების დროს განიცდიან.
ძალიან ბევრ მშობელს მიუმართავს ექიმისთვის იმის გამო, რომ მათი შვილი საკუთარ გენიტალიებს საფენის გამოცვლისას ეხება, ან პატარა ბიჭს უნებური ერექცია აქვს. რეალურად, ეს სრულიად ნორმალურია, რადგან ძალიან პატარა ბავშვებიც კი ინტერესდებიან საკუთარი სხეულით.
თუმცა, გააჩნია, რა რეაქცია ექნება მშობელს ბავშვის თანდასწრებით, რადგან ამაზე ბავშვის ცხოვრებაში ბევრი რამ იქნება დამოკიდებული. ჩვეულებრივი რეაქციით და არა გაბრაზებით ან გაკვირვებით, ბავშვი სწავლობს, რომ ცნობისმოყვარეობა საკუთარ სხეულთან დაკავშირებით ერთ-ერთი ჩვეულებრივი, ნორმალური მოვლენაა.
სქესის გაცნობიერება
დაახლოებით ორი ან სამი წლის ბავშვი უკვე ხვდება, თუ რას ნიშნავს იყო მამრობითი ან მდედრობითი სქესის წარმომადგენელი. ამას უკვე გენდერული იდენტობა ეწოდება. ამ ასაკის ბავშვები რომელიმე კონკრეტულ სექსთან იდენტიფიცირებას ახდენენ.
სკოლამდელი ასაკის ბავშვები
სკოლამდელი ბავშვები საკუთარ სხეულს უფრო მეტი ცნობისმოყვარეობით ეკიდებიან. თუ გაუბრაზდებით ბავშვს, როცა საკუთარ სხეულს ეხება, ცუდ შედეგს მიიღებთ - ეს უფრო მეტად გააძლიერებს დანაშაულისა და სირცხვილის შეგრძნებას.
მშობლებმა უნდა აუხსნან შვილს, რომ მიუხედავად იმისა, რომ გარკვეულ ადგილებში შეხება შეიძლება კარგ შეგრძნებასთან ასოცირდებოდეს, საჯაროდ ამის გაკეთება სასურველი არაა. გარდა ამისა, ბავშვები უკვე იმ ასაკში არიან, როდესაც ხვდებიან, რომ არავინ არ უნდა შეეხოს მათ ისე, რომ თავი არაკომფორტულად იგრძნონ.
სკოლამდელი ბავშვები საკუთარ დამოკიდებულებებს მშობლებისგან სწავლობენ, ამიტომაც მნიშვნელოვანია, მშობელმა სწორად დაანახოს ის, რომ საკუთარი სხეულის "გამოკვლევა" ცუდი არ არის და ჩვეულებრივი, უბრალოდ პირადული ამბავია.
დაუსრულებელი კითხვები
სკოლამდელი ბავშვები ყოველთვის უაზროდ ბევრ შეკითხვას სვამენ იმაზე, თუ საიდან მოდიან ისინი, რატომ არ აქვთ მის დას ან ძმას ისეთი სასქესო ორგანო, როგორიც მათ აქვთ და ა.შ.
ასეთ კითხვებზე გულწრფელი პასუხი მნიშვნელოვანია. ისეთი პრიმიტიული პასუხი, როგორიცაა ის, რომ ბავშვები წერომ მოიყვანა ან კომბოსტოდან გაჩნდნენ, ბავშვის ცნობისმოყვარეობაზე ცუდად იმოქმედებს და მშობლის ნდობასაც ერთი-ორად შეამცირებს.
დაწყებითი კლასები
6-იდან 10 წლამდე ბავშვები უკვე ინტერნეტში ძრომიალს იწყებენ, რითიც უამრავ ტყუილსა თუ მართალს იგებენ სექსზე, სასქესო ორგანოებსა და რეპროდუქციაზე. სწორედ ამიტომაა საჭირო გულწრფელი ლაპარაკი მათთან.
ბილწსიტყვაობა და შეუსაბამო ხუმრობები
ამ ასაკის ბავშვები აუცილებლად აკრეფენ "ცუდ", სალანძღავ სიტყვებს, სლენგებს ტელევიზორიდან, ფილმებიდან, მათი მეგობრებიდან. მნიშვნელოვანია ამ დროს იმის ახსნა, რომ ზოგი სიტყვა უადგილოა და არსებობს უკეთესი სიტყვები, რომლითაც მათ აზრის გამოხატვა შეუძლიათ.
ჩიტებიც და ფუტკრებიც "ამას" აკეთებენ? რატომ?
ბავშვები ხშირად ხედავენ ცხოველების სექსუალურ აქტს, რაზეც სხვადასხვა რეაქცია აქვთ. ზოგი გაოცებული აკვირდება მათ მოძრაობას, ზოგს მათი დანახვისას რცხვენია. მაგალითად, კლასის ექსკურსია ზოოპარკში, უმეტესწილად, ამ თემის განხილვით მთავრდება ხოლმე. კარგია, თუ ავუხსნით ბავშვებს, რომ ეს ცხოველების ბუნებრივი საქციელია.
თინეიჯერობის პერიოდი
თინეიჯერობა სწორედ ის პერიოდია, როდესაც ბავშვები საკუთარი სხეულის სრულად გაცნობას ცდილობენ. თინეიჯერობაში არსებული სექსუალური პრობლემები დღესდღეობით საკმაოდ განხილვადი თემაა და ამაზე ძალიან კარგი ბრიტანული სერიალი, Sex Education არსებობს. სერიალი საკუთარ შვილთან მასტურბაციაზე ლაპარაკით იწყება.
მასტურბაცია
მასტურბაციის დროს ადამიანები საკუთარ გენიტალიებს ეხებიან სიამოვნების მიზნით, რაც, საბოლოოდ, შეიძლება ორგაზმით დასრულდეს. გენიტალიების გარდა, ადამიანს ძუძუსთავებზე შეხებაც შეიძლება აღაგზნებდეს. ბევრი ადამიანი მასტურბაციისთვის საკუთარ ხელებს იყენებს, თუმცა ზოგს სექს-სათამაშოები ურჩევნია.
ვინ მასტურბირებს?
სამწუხაროდ, მრავალ კულტურაში ბიჭების მასტურბაცია ნორმალურად ითვლება, ხოლო გოგონების - არა.
ერთ-ერთი კვლევის მიხედვით, რომელიც ავსტრალიაში ჩატარდა, გამოკითხულ ქალთა 42%-მა და კაცთა 72%-მა თქვა, რომ ისინი მასტურბირებენ. კვლევა მოიცავდა 16 წლიდან 69 წლამდე ადამიანებს, შესაბამისად, არ არსებობს ზუსტი ინფორმაცია ახალგაზრდა თინეიჯერების მასტურბირების შესახებ.
კვლევამ, რომელიც ამერიკის შეერთებულ შტატებში ჩატარდა 14 წლიდან 17 წლამდე თინეიჯერებში, აჩვენა, რომ გამოკითხულ გოგონათა 58% და ბიჭთა 80% არ მალავს საკუთარ გამოცდილებას მასტურბაციის შესახებ. თუმცა, შეიძლება გოგონათა დარჩენილ ნაწილს უბრალოდ არ სიამოვნებს ამ თემაზე საუბარი.
ტრადიციულად, მასტურბაცია რატომღაც ბიჭებთან ასოცირდება. იმაზე ღიად საუბარი, რომ გოგონების მასტურბაციაც ისეთივე ნორმალურია, როგორიც - ბიჭების, ცოტა ხანია, რაც დაიწყო.
საჭიროა იმის ცოდნა, რომ ქალების დიდი ნაწილისათვის კლიტორი სხეულის ყველაზე მგრძნობიარე ადგილია. კლიტორი უამრავ ნერვსა და სისხლძარღვს აკავშირებს ერთმანეთთან, რის გამოც, მისი სტიმულირებისას სწორედ ეს ნერვები აღიგზნება რაც, საბოლოოდ, სიამოვნებას იწვევს.
მასტურბაციას სასარგებლო მხარეებიც აქვს. მაგალითად, მასტურბირებასა და ორგაზმს ტკივილისა და სტრესის შემსუბუქება შეუძლია. ეს საუკეთესო გზაა იმისათვის, რომ საკუთარი სხეული იდეალურად შეისწავლო და იცოდე, რა გსიამოვნებს, რაც საბოლოოდ პარტნიორთან ჰარმონიული ურთიერთობის ქონაში დაგეხმარება.
რადგანაც სექსუალობა ადამიანებში დამოკიდებულია მათ ფიქრებზე, ემოციებსა და შეხედულებებზე, უნარი, რომ გქონდეს ორგაზმი ან სწორედ ეს სიამოვნება შეიგრძნო, ისევ და ისევ ინდივიდზეა დამოკიდებული. ნეგატიური ემოციები, როგორებიცაა დანაშაულის შეგრძნება და სირცხვილი, მასტურბაციას საკმაოდ ართულებს.
დავიწყოთ ამაზე ლაპარაკი ადრეულ ასაკში
როგორც სექსუალური განათლების მასწავლებელი, კავილი ამბობს, მასტურბაცია არც ერთ ასაკში არ არის სასირცხვილო, ბინძური ან მიუღებელი. რეალურად, ეს ნორმალური და ჯანმრთელი დამოკიდებულებაა საკუთარი სხეულის მიმართ.
თუმცა, რეალურად ეს საუბარი მშობლების მხრიდან შეიძლება ძალიან უცნაური და დამაბნეველიც კი იყოს. როგორც სექსუალური განათლების სპეციალისტები ურჩევენ მშობლებს, სჯობს, ბავშვს ამაზე საუბარი 9-იდან 16 წლამდე დაუწყონ, რადგან ეს უფრო ამარტივებს მათ მომავალ დამოკიდებულებას სექსუალობის მიმართ და მშობლებიც უფრო მარტივად გასცემენ მათ კითხვებზე პასუხს ღრმა თინეიჯერობაში.
"სიძულვილი, უარყოფა და სირცხვილი ბავშვს ვერაფერს ასწავლის, პირიქით, მის გონებაში სირცხვილად დაილექება და მოზრდილობაში ამოტივტივდება", - ამბობს კავილი.
რეალურად, თინეიჯერობაში მასტურბაციაზე უარის თქმაც სავსებით ნორმალურია და ამაზე საუბარიც საჭიროა. მნიშვნელოვანია, მშობლებმა ბავშვებს ჰიგიენის შესახებაც მიაწოდონ ინფორმაცია.
ასევე, მნიშვნელოვანია, მათ გაიაზრონ, რომ მასტურბაცია პირადი სივრცის ნაწილია. მასზე ცოდნის ასამაღლებლად არსებობს უამრავი ვიდეო კონკრეტულად ბავშვებისთვის გამოყოფილი, რომელიც ხსნის, თუ რას ნიშნავს ეს და რა ბენეფიტები აქვს მას:
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვა126 სამოქალაქო და მედიაორგანიზაცია ხელისუფლებასთან თანამშრომლობას წყვეტს 126 სამოქალაქო და მედიაორგანიზაცია ხელისუფლებასთან თანამშრომლობას წყვეტს
-
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვაშსს-მ დააკავა პირი, რომელმაც გარდაბანში თანასოფლელი მოკლა შსს-მ დააკავა პირი, რომელმაც გარდაბანში თანასოფლელი მოკლა
-
გადახედვამანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა მანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა
-
გადახედვასანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო სანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო
-
გადახედვანიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს ნიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს
-
გადახედვათვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა თვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა
-
გადახედვა"ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს "ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
-
კომენტარები