სტატია შეიცავს სპოილერებს Wednesday-ს მეორე სეზონიდან

ტიმ ბარტონი, სერიალ Wednesday-ს მეორე სეზონში, თავის საკულტო სტოპ-კადრის ანიმაციას დაუბრუნდა. ვიზუალურად განსაცვიფრებელი სცენის გადასაღებად კი რვა თვე დასჭირდათ.

90-წამიანი შავ-თეთრი სცენა ნევერმორის აკადემიის უიღბლო სტუდენტის ისტორიას მოგვითხრობს. პერსონაჟი — რომელიც ბარტონს გარკვეულწილად ჰგავს — ახალგაზრდა გენიოსია, რომელიც თავის სათუთ გულს საათის მექანიზმიანი გულით ანაცვლებს, თუმცა ის მისივე გამოგონებით ნადგურდება.

კადრი Wednesday-ს მეორე სეზონიდან

კადრი Wednesday-ს მეორე სეზონიდან

ფოტო: Netflix

ამ სცენამ, შესაძლოა, ბარტონის 1982 წლის ანიმაცია ვინსენტი მოგაგონოთ, რომელიც მან დისნეიში ანიმატორად მუშაობის დროს შექმნა.

"ძალიან მომეწონა ეს პროცესი", — განაცხადა ბარტონმა — "ანიმატორებს გამუდმებით ვეუბნებოდი: "არა, ზედმეტად კარგად გამოიყურება. არა, ანიმაცია ზედმეტად დახვეწილია. უნდა წარმოვიდგინოთ, თითქოს სტუდენტობის პერიოდში დავბრუნდით, ისე უნდა გავაკეთოთ, როგორც [ჩემი კარიერის] დასაწყისში ვაკეთებდით".

კადრი Wednesday-ს მეორე სეზონიდან

კადრი Wednesday-ს მეორე სეზონიდან

ფოტო: Netflix

სერიალის აღმასრულებელი პროდიუსერების, ალ გოფისა და მაილს მილარების თქმით, ფლეშბექის სცენა საერთოდ არ იყო ჩაფიქრებული ანიმაციად.

"მივხვდით, რომ ეს ძალიან კარგი შესაძლებლობა იქნებოდა ამ ტიპის ანიმაციის გადასაღებად, ტიმს მოეწონა იდეა, მაგრამ მის განხორციელებას ძალიან დიდი დრო დასჭირდა", — ამბობს მაილ მილერი.

Mackinnon & Saunders-ის თანა-დამფუძნებელი იან მაკინონი

Mackinnon & Saunders-ის თანა-დამფუძნებელი იან მაკინონი

ფოტო: Netflix

რაც შეეხება ანიმაციას, ბარტონმა და სერიალის აღმასრულებელმა პროდიუსერებმა Mackinnon & Saunders-თან ითანამშრომლეს, რომლის დახმარებითაც ბარტონმა Corpse Bride შეიქმნა.

"ეს ძალიან შრომატევადია. თუმცა, დეტალებზე ორიენტირება და კადრებში ჩადებული სიყვარული ამ ეპიზოდსა და ამბავს უფრო მაღლა აყენებს, ძალიან ვამაყობ ამით", — დასძინა მილერმა.

ნახეთ ეს სცენა Wednesday-ს მეორე სეზონიდან:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…