პარტია "გახარია საქართველოსთვის" წევრი, თეონა აქუბარდია აცხადებს, რომ თვითმმართველობის არჩევნებში მონაწილეობას არ მიიღებს, თუმცა პარტიას არ ტოვებს. ამის შესახებ მან "რადიო თავისუფლებასთან" ისაუბრა.

"სამი დღეა ცდილობს პროპაგანდისტული მედია იმის წარმოჩენას, რომ ოპოზიცია სუსტდება, მიუხედავად იმისა, რომ თავად აქვთ რეალურად გუნდში პრობლემა და ეს კარგად წარმოჩნდა მათ შორის მერიის კანდიდატების ბანერებზე გაკრული ფოტოებით. ის რომ საპარლამენტო არჩევნებზე მე ვიყავი პარტია გახარია საქართველოს სიაში უპარტიოდ, ძალიან კარგად იციან ცესკოშიც. აქ მნიშვნელოვანია ის, რომ გუნდთან ერთად მე ვრჩები სუვერენიტეტის დაცვის იმ ბრძოლაში, რომელიც საქართველოს თითოეული მოქალაქის ინტერესია. ადგილობრივი თვითმმართველობის არჩევნებში რა თქმა უნდა, არ შევდივარ იმიტომ, რომ ჩემი პროფილი და ჩემი საქმე ყოველთვის იყო ქვეყნის ეროვნული უსაფრთხოება და ამ საკითხებზე კვლავ მუშაობ გუნდთან ერთად", — განაცხადა თეონა აქუბარდიამ "რადიო თავისუფლებასთან".

ცნობისათვის, დღე სამთავრობო "ტვ იმედმა" გაავრცელა ინფორმაცია, რომ თეონა აქუბარდიამ გახარიას პარტია დატოვა.