პროკურატურამ 8 თვის შემდეგ პროევროპულ აქციაზე სპეცრაზმელების ნაცემი ზვიად მაისაშვილი დაზარალებულად ცნო.

"პირველ რიგში ძალოვან სტრუქტურებს იყენებენ, რომ დარჩნენ ხელისუფლებაში. სწორედ ამიტომ ამ ადამიანების დასჯა არ აწყობთ. მოძალადეებმა თავიდანვე იცოდნენ, რომ დაცულები იქნებოდნენ, მათი ვინაობა არ გამოვლინდებოდა, ამიტომ იქცეოდნენ ასე არაადამიანურად," —განაცხადა მაისაშვილმა ტვ პირველთან საუბრისას.

30 ნოემბერს სოციალურ ქსელში გავრცელდა კადრები, თუ როგორ ურტყამენ წაქცეულ აქციის მონაწილეს ზვიად მამისაიშვილს სპეცრაზმელები წიხლებს, რის შემდეგაც ის უგონო მდგომარეობაში ვარდება. მაისაშვილს ფიზიკური ძალადობის შემდეგ ტვინის შერყევა, ცხვირის და ყბის მოტეხილობა აღენიშნებოდა.