დიახ, არ მოგესმათ, 8-წლიანი პაუზის შემდეგ დენიელ დეი-ლუისი კინოინდუსტრიას უბრუნდება. სამგზის ოსკაროსანი მსახიობი თავისი შვილის სარეჟისორო სადებიუტო ფილმში — ანემონა — მონაწილეობს.

როგორც ცნობილია, ფილმის სცენარი რეი დეი-ლუისმა მამასთან ერთად დაწერა, ანემონას მსოფლიო პრემიერა ნიუ-იორკის კინოფესტივალზე შედგება.

ფოტო: Anemone

სინოფსისის მიხედვით, ფილმი ოჯახური დრამაა და შუახნის მამაკაცზე (შონ ბინი) მოგვითხრობს, რომელიც "თავისი გარეუბნიდან ტყეში მიემგზავრება, სადაც ის ხელახლა დაუკავშირდება თავის განდეგილ ძმას (დეი-ლუისი). რთული წარსულის მქონე კაცებს დაძაბული, თუმცა ზოგჯერ მშვიდი ურთიერთობა აქვთ — ურთიერთობა, რომელიც სამუდამოდ შეიცვალა ათწლეულების წინ მომხდარი გამანადგურებელი მოვლენის გამო".

აღსანიშნავია, რომ ფილმში მონაწილეობას მიიღებენ ჰოლივუდის სხვა ვარსკვლავებიც, მათ შორის — შონ ბინი, სამანტა მორტონი, სამუელ ბოტომლი და საფია ოკლი-გრინი.

დანიელ დეი-ლუისი და რეი დეი-ლუისი

დანიელ დეი-ლუისი და რეი დეი-ლუისი

ფოტო: Abaca via Zuma Press/TNS

რაც შეეხება დეი-ლუისს, 68 წლის მსახიობი მსახიობი დიდ ეკრანზე ბოლოს თომას ანდერსონის 2017 წელს გამოსულ ფილმ უხილავ ძაფში გამოჩნდა. დეი-ლუისმა W Magazine-თან ინტერვიუში აღნიშნა, რომ კარიერის დასრულება "ყველაზე ლოგიკური გადაწყვეტილება იყო".

"მთელი ჩემი ცხოვრება ვიცოდი, რომ ერთ დღეს ამ გადაწყვეტილებამდე მოვიდოდი და ასეც მოხდა, თუმცა არ ვიცოდი, რომ ამ ფილმის დროს მოხდებოდა ეს. ვგრძნობ, რომ ეს არის ის, რაც ახლა უნდა გავაკეთო", — დასძინა მან.

შეგახსენებთ, რომ ფილმ ანემონას პრემიერა 26 სექტემბრიდან 13 ოქტომბრამდე, ნიუ-იორკის კინოფესტივალზე შედგება.