უკრაინის პრეზიდენტი ვოლოდიმირ ზელენსკი დღეს ბერლინში ჩავა გერმანიის კანცლერ ფრიდრიხ მერცთან შესახვედრად. ამის შესახებ ინფორმაციას Kyiv Post ავრცელებს.

ლიდერები ვიდეოკონფერენციას შეუერთდებიან ევროპის სახელმწიფოების მეთაურებთან, ნატოს გენერალურ მდივან რუტესთან და აშშ-ის პრეზიდენტ ტრამპთან. დღის ბოლოს ასევე დაგეგმილია "ნების კოალიციის" ონლაინ სესია.

"ნების კოალიციის" ინიციატივა უკრაინის მხარდასაჭერად 2025 წელს დიდი ბრიტანეთისა და საფრანგეთის მიერაა შემოთავაზებული.

შეგახსენებთ, რომ ევროპელი ლიდერებისა და აშშ-ის და უკრაინის პრეზიდენტების ონლაინ შეხვედრა ალასკაში ტრამპისა და პუტინის შეხვედრამდე საგანგებოდ დაიგეგმა. ონლაინ-სესია ბერლინის დროით 15:00 საათზეა დაგეგმილი.