ლიუ ძინჩაო, რომელიც ერთ-ერთ მთავარ კანდიდატად ითვლებოდა ჩინეთის საგარეო საქმეთა მინისტრის პოსტზე, აგვისტოს დასაწყისში ჩინეთის ხელისუფლებამ დააკავა — ამის შესახებ Reuters იტყობინება.

რადიო თავისუფლების ინფორმაციით, ლიუ ქართული ოცნების დელეგაციას ორჯერ მასპინძლობდა: 2024 წლის 14-20 იანვარს, რომელსაც ივანიშვილის პრემიერი, ირაკლი კობახიძე ხელმძღვანელობდა და 2025 წლის 27 ივლისს, როდესაც პეკინში ვიზიტით მყოფ დელეგაციას გიორგი ვოლსკი ხელმძღვანელობდა.

ჩინეთში ოფიციალური ვიზიტით ქართული ოცნების შემდეგი დეპუტატები იმყოფებიან — გია ვოლსკი, მარიამ ლაშხი, ნიკოლოზ სამხარაძე, შოთა ბერეკაშვილი და გელა სამხარაული. პარტიის განცხადებაში ვკითხულობთ, რომ ჩინეთში ვიზიტი "საქართველოს როლს "შუა დერეფნის" განვითარებაში და გლობალური პარტნიორობის ხაზგასმას" ემსახურებოდა.

ქართული ოცნების სოციალურ ქსელში განთავსდა ფოტოები, სადაც ქართული ოცნების დეპუტატი გია ვოლსკი და ლიუ ძინჩაო ორი ქვეყნის დროშების ფონზე ხელს ართმევენ

ძინჩაოს დაკავების შემდეგ, რამდენიმე დღეში მისი სახლიც გაჩხრიკეს. ჯერ-ჯერობით უცნობია 61 წლის დიპლომატის დაკითხვაზე დაბარებისა და დაკავების მიზეზი.

ასევე იხილეთ: