მართლმადიდებელს მშობელთა კავშირის წევრმა, დეკანოზმა დავით მასურაშვილმა პარლამენტში, სადაც ბავშვთა კოდექსი განიხილება, ანტიდასავლური განცხადება გაავრცელა. სასულიერო პირმა ლგბტქი თემთან დაკავშირებით გაეროს რეკომენდაციები გააკრიტიკა. მისი თქმით, საქართველო საბჭოთა კავშირის დროს კომპარტიის მონა იყო და ახლა გაეროს მონაა.

"თქვენ აქ აპელირებთ იმაზე, რომ გაეროს იდეალებით... აგერ მოგახსენათ, რეზო არველაძემ, [ემზარ] კვიციანმა და სხვებმა, რომ ჩვენ საქართველოში ვცხოვრობთ. გავიგეთ, ბატონო, როგორც საბჭოთა კავშირის დროს კომპარტია უნდა მოვიხსენიოთ, დღეს გაერო უნდა მოვიხსენიოთ. მაშინ მათი მონები ვიყავით, დღეს გაეროს მონები ვართ. გავიგეთ, თქვენ ამას არ იტყვით და შემეწინააღმდეგებით", — აღნიშნა სასულიერო პირმა.

გარდა ამისა, მას მიაჩნია, რომ კოდექსში ეროვნულობა და ეროვნული ინტერესები დაფიქსირებული უნდა იყოს.