უკრაინის ყოფილ პრეზიდენტ ვიქტორ იანუკოვიჩს რუსეთის პრეზიდენტის, ვლადიმერ პუტინის ბრძანებით სახელმწიფო დაცვა გამოუყვეს. ამის შესახებ კრემლის პრესსპიკერმა, დიმიტრი პესკოვმა ისაუბრა.

პესკოვმა არ დააკონკრეტა, როდის გამოიცა ბრძანება და კონკრეტულად რომელი უწყება იცავს იანუკოვიჩს. კითხვაზე რა სტატუსით იმყოფება იანუკოვიჩი ქვეყანაში პესკოვმა თქვა, რომ მას რამე განსაკუთრებული სტატუსი არ აქვს.

კიევის სასამართლომ უკრაინის ყოფილი პრეზიდენტი ვიქტორ იანუკოვიჩი სახელმწიფო ღალატში დამანაშავედ სცნო. გარდა ამისა, ის დამნაშავედ სცნეს სახელმწიფო საზღვრის შეცვლისა და ომის ხელშეწყობაში. მას 13-წლიანი პატიმრობა შეეფარდა.

ყოფილ პრეზიდენტს განაჩენი დაუსწრებლად გამოუტანეს, რადგან ის რუსეთშია. იანუკოვიჩი სასამართლო სხდომაზე არც ერთხელ არ გამოჩენილა, ის ბრალდებებს პოლიტიკურად მოტივირებულს უწოდებს და ბრალს არ აღიარებს.

ვიქტორ იანუკოვიჩი 2002-2005 და 2006-2007 წლებში უკრაინის პრემიერ-მინისტრი იყო. 2010 წელს საპრეზიდეტო არჩევნებში გაიმარჯვა. მას ხშირად ადანაშაულებედნენ რუსეთის სასარგებლო პოლიტიკის გატარებაში.

2014 წელს უკრაინაში ხელისუფლების შეცვლის შემდეგ ვიქტორ იანუკოვიჩი რუსეთში გაიქცა. მას ადანაშაულებდნენ იმაში, რომ მოსკოვს უკრაინაში ჯარის შემოყვანა სთხოვა, რამაც საბოლოოდ ყირიმის ანექსია გამოიწვია