რაჭაში, ონის რაიონის სოფელ შოვში, დაახლოებით 24 წლის კაცი დაიკარგა. საგანგებო სიტუაციების მართვის სამსახურში On.ge-ს უთხრეს, რომ იგი ამ დრომდე არ უპოვიათ და დღეს, 16 იანვარს, დილით სოფელი შოვის მიმდებარე ტერიტორიაზე განახლდა სამძებრო სამუშაოები.

სამაშველო სამსახურში შეტყობინება 14 იანვარს შევიდა. შოვში, სასტუმროების მიმდებარე ტერიტორიაზე გამართულ "თოვლის ფესტივალის" ორგანიზატორის, მალხაზ მეტრეველის თქმით, ბოლოს დაკარგული ფესტივალის ტერიტორიაზე ნახეს.