თინა ხიდაშელმა საზოგადოებრივ მაუწყებელზე პირდაპირი ჩართვისას განაცხადა, რომ თავდაცვის სამინისტრო თავის 3 მთავარ დაპირებას შეასრულებს. მათ შორისაა ჯარში სავალდებულო გაწვევის გაუქმება:

"ჩვენ ვთქვით, რომ სავალდებულო გაწვევას ჯარში გავაუქმებდით და ჩვენთვის, თავდაცვის სამინისტროსთვის ეს გადაწყვეტილება უკვე მიღებულია და მას ახლა საკანონმედბლო მხარდაჭერა სჭირდება. თუმცა ეს არ ნიშნავს, რომ ამითი პროცესი მთავრდება და ჩვენი ამოცანაა, რომ 2017 წლიდან დავიწყოთ ნებაყოფლობითი გაწვევის სისტემის ამოქმედება, რომელიც NATO-ს ძალიან ბევრ წევრ ქვეყანაში მოქმედებს და გაცილებით უფრო ეფექტიანი და გაცილებით მაღალი შედეგის მომტანია. სავალდებულო გაწვევა ჯარში 2017 წელს აღარ გვექნება. ჩემი, როგორც თავდაცვის მინისტრის პოზიცია ასეთია და ბუნებრივია, რომ თუ ამ უწყებაში სხვა ხელმძღვანელი მოვიდა, ეს პოზიცია შეიძლება იყოს განსხვავებული".

როგორც თინა ხიდაშელმა თქვა, დანარჩენი ორი დაპირება ჰაუპტვახტებისა და სპეციალური საარჩევნო უბნების გაუქმებას შეეხება.