საქართველოს პრეზიდენტმა, გიორგი მარგველაშვილმა 57 მსჯავრდებული შეიწყალა. პრეზიდენტის ადმინისტრაციის ცნობით, 22-24 ოქტომბრის პერიოდში შეწყალების საკითხთა კომისიამ სულ 575 მსჯავრდებულის საქმე განიხილა.

კომისიის თავმჯდომარის, ზვიად ქორიძის განცხადებით, მსჯავრდებულთა შეწყალების შესახებ განკარგულების ხელმოწერის შემდეგ თავისუფლების აღკვეთის დაწესებულებებიდან 30 მსჯავრდებული გათავისუფლდა.

ამასთან, ადმინისტრაციის ცნობით, ვადიანი და უვადო თავისუფლების აღკვეთის სახით შეფარდებული სასჯელი 27 პირს შეუმცირდა, მათ შორის, 2 ქალს.