რუსეთის პრეზიდენტმა, ვლადიმერ პუტინმა ქერჩის ტრაგედია, რომელსაც ათეულობით ადამიანი შეეწირა, გლობალიზაციასთან და ინტერნეტის ზემოქმედებასთან დააკავშირა. მისი თქმით, ქერჩის ტრაგედია სწორედ გლობალიზაციის შედეგია.

"ჩვენ არ ვქმნით საჭირო, საინტერესო და სასარგებლო კონტენტს ახალგაზრდობისთვის", — განაცხადა პუტინმა.

17 ოქტომბერს მეოთხე კურსის სტუდენტმა ქერჩის პოლიტექნიკურ კოლეჯში სროლა მოაწყო და ბომბი ააფეთქა. თავდასხმას 20 ადამიანი შეეწირა, ათეულობით კი დაშავდა. თავდამსხმელმა ადგილზე თავი მოიკლა.

ანექსირებულ ყირიმში გამოძიებას რუსეთის საგამოძიებო კომიტეტი ატარებს. თავიდან გამოძიება ტერაქტის მუხლით დაიწყო, თუმცა შემდეგ ორი ან მეტი პირის მკვლელობით გადაკვალიფიცირდა.