ასი ათასობით მიკრობოტს, რომლებიც სისქეში ადამიანის თმაზე პატარები არიან, დაბინძურებული წყლიდან მძიმე მეტალების 95%-ის ამოღება შეუძლიათ და რაც ყველაზე მთავარია, მათი მრავალჯერ გამოყენებაა შესაძლებელი.

წყლის მძიმე მეტალებით დაბინძურება პრობლემატურია ყველა რეგიონში სადაც მუშაობს საწარმოები, შახტები და ა.შ. ეს პროცესები წარმოშობს ისეთ მეტალებს როგორებიცაა, ტყვია, დარიშხანი, ვერცხლისწყალი, კადმიუმი, ქრომი და სხვ.

ექსპერიმენტში მეცნიერები ძირითადად ტყვიის ამოღებაზე მუშაობდნენ. მათ შექმნეს მილისებური მიკრობოტი, რომელსაც სამი ფუნქციური ფენა აქვს. პირველი ფენა გრაფინის ოქსიდია, რომელიც წყლიდან ტყვიას იწოვს. ნიკელის მეორე ფენა მიკრობოტების ფერომაგნეტურობას გარე მაგნიტური ველის საშუალებით მართვადს ხდის. ხოლო შიდა, მესამე ფენა, რომელიც პლატინისაა, მოწყობილობას თვით-პროპელირების საშუალებას აძლევს.

როდესაც მიკრობოტები ტყვიის შეგროვებას დაასრულებენ, მაგნიტური ველის გამოყენებით მათი შეგროვება და წყლიდან ამოღება ხდება. შეგროვების შემდეგ მიკრობოტები მჟავით მუშავდება, რის შემდეგაც მათი ხელახლა გამოყენებაა შესაძლებელი.

აღნიშნული მეთოდით ქიმიური ნარჩენების გაწმენდა იაფი და უსაფრთხოა. მომავალში იგეგმება მიკრობოტებით სხვა მეტალების ამოღებაც, სისტემის ავტომატიზირება და მასობრივი დანერგვა.

კვლევის შესახებ ცნობები სამეცნიერო ჟურნალ Nano Letters-ში გამოქვეყნდა და მისი ავტორები დიანა ვიელა და სამუელ სანჩესი არიან.