ფეისბუქგვერდმა, Abkhazia Live სოხუმში "დამოუკიდებლობის დღისადმი" მიძღვნილი სამხედრო აღლუმის ამსახველი ვიდეო წაიშალა. აღნიშნული გვერდი სამხედრო აღლუმის მიმდინარეობს ერთი საათის განმავლობაში პირდაპირ ეთერში უწყვეტად გადმოსცემდა.

1993 წლის 27 სექტემბრიდან 25 წლის თავზე, საქართველო სოხუმის დაცემას გლოვობს, ხოლო რუსეთის მიერ ოკუპირებული აფხაზეთი "დამოუკიდებლობისა და გამარჯვების" დღეს ზეიმობს. სპეციალურად ამ დღისთვის, სოხუმში, თავისუფლების მოედანზე სამხედრო აღლუმი მიმდინარეობდა. აღლუმს დე ფაქტო აფხაზეთის გენერალ-ლეიტენანტი ბესლან ცვიჟბა მეთაურობდა.

რუსეთის მიერ ოკუპირებულ აფხაზეთში მიმდინარე სამხედრო აღლუმზე საზოგადოებას სიტყვით მიმართა ოკუპირებული აფხაზეთის დე ფაქტო პრეზიდენტმა რაულ ხაჯიმბამ და სეპარატისტული განცხადებაც გააკეთა.

"1992 წლის აგვისტოში აფხაზეთის ტერიტორიაზე ვერაგულად შემოჭრილ ქართველებთან უთანასწორო ბრძოლაში ჩვენ გვერდით იდგნენ ჩვენი ძმები ჩრდილოეთი კავკასიიდან, ჩვენი თანამემამულეები სხვადასხვა ქვეყნებიდან, მოხალისეები რუსეთიდან, სამხრეთ ოსეთიდან, დნესტრისპირეთიდან და სხვა უცხო ქვეყნებიდან", - განაცხადა ხაჯიმბამ.

ოკუპირებული აფხაზეთის გარდა, 2008 წლის აგვისტოს ომის შემდეგ "დამუკიდებლობის დღეს" აღნიშნავენ ოკუპირებულ სამხრეთ ოსეთშიც.