საქართველოს ძიუდოისტთა ნაკრების კაპიტანმა, ვარლამ ლიპარტელიანმა განაცხადა, რომ მსოფლიო ჩემპიონატის ფინალში მისი მეტოქე გუჰნამ ჩო უფრო კარგად იყო მომზადებული და გამარჯვება უფრო მეტად ეკუთვნოდა.

"გამომდინარე იქიდან, რომ ტაქტიკურად მჯობდა, უფრო აქტიური იყო და შესაბამისად დაიმსახურა კიდეც ოქროს მედალი. ფინალი წაგების შემდეგ სიხარული ნაკლებად არის", - განუცხადა მან პირველ არხს.

ვარლამ ლიპარტელიანი მსოფლიო ჩემპიონატის ფინალში კორეელ, გუჰნამ ჩოსასთან დამარცხდა და ვერცხლის მედალი მოიპოვა. ის ბაქოში მიმდინარე მსოფლიო ჩემპიონატზე 100 კილოგრამ წონით კატეგორიაში ასპარეზობდა. ვარლამ ლიპარტელიანი მსოფლიო ჩემპიონატის ფინალში მესამედ დამარცხდა.

ქართველმა ჩემპიონმა ფინალამდე ოთხი ბრძოლა მოიგო – პირველ შეხვედრაში მან ფრანგი ალექსანდრ იდირი დაამარცხა. მერვედფინალში ლიპარტელიანს აზერბაიჯანელთა ბოლო იმედი, ელმარ გასიმოვი შეხვდა, რომელიც იპონით დაამარცხა. ქართველმა იპონით დაასრულა მეოთხედფინალური ბრძოლაც, რომელშიც ეგვიპტელ რამადან დარვიშს მოუგო. ნახევარფინალში კი მან მონღოლი ოტგონბაატარ ლხარგვასურენი დაამარცხა.