Flipped Classroom Model - ილიაუნის ბიზნესის სკოლამ ახალი კონცეფცია წარადგინა
17 ივნისს ილიას სახელმწიფო უნივერსიტეტში ილიაუნის ბიზნესის სკოლის ახალი კონცეფციის პრეზენტაცია გაიმართა. კონცეფცია ბიზნესის სკოლის დეკანმა გიორგი ქადაგიძემ წარადგინა და სკოლის ძირითად ხედვებსა და სტრატეგიებზე ისაუბრა.
ილიაუნის ბიზნესის სკოლამ უარი თქვა კლასიკურ მოდელზე, რაც გულისხმობს აუდიტორიაში სწავლებას და თავიანთ სტუდენტებსა და ლექტორებს შესთავაზა სრულიად ახალი - ე.წ Flipped Classroom Model. "შებრუნებული საკლასო ოთახის მოდელი" გულისხმობს ისეთ სწავლებას, როცა სტუდენტი ახალ მასალას აუდიტორიის მიღმა ეცნობა ვიდეოლექციების საშუალებით, ხოლო აუდიტორიაში დარჩენილ დროს უფრო რთული აქტივობების შესასრულებლად იყენებს. მსგავსი მეთოდი ფოკუსირებულია ისეთი სააზროვნო უნარების განვითარებაზე, როგორებიცაა ანალიზი, სინთეზი და შეფასება.
"ოცდამეერთე საუკუნეში ბიზნესგარემო ძალიან სწრაფად იცვლება, რაც, რა თქმა უნდა, ბიზნესის სკოლასაც ეხება. სწორედ ამიტომ აუცილებელია განათლების მოდელის სწორად განსაზღვრა, მიდგომები, რომელიც შარშან და შარშანწინ მუშაობდა, დღეს აღარ მუშაობს", - აღნიშნა ბიზნესის სკოლის დეკანმა გიორგი ქადაგიძემ.
ილიას ბიზნესის სკოლის ახალი კონცეფცია თავის სტუდენტებს სთავაზობს მსოფლიოს საუკეთესო უნივერსიტეტების კონტენტს, რომელსაც ისინი ვიდეოლექციების სახით შეისწავლიან მათთვის სასურველ ადგილას იქნება ეს სახლში, გზაში თუ სამსახურში. რაც შეეხება აუდიტორიას, ის გადაიქცევა ადგილად, სადაც სტუდენტები უშუალოდ პრაქტიკულ მიდგომებსა და ცოდნას განიხილავენ ბიზნესის სკოლის წამყვან პრაქტიკოს ლექტორებთან ერთად.
"ჩვენ არ გვჭირდება სახელმძღვანელოების თავების მოყოლა სტუდენტებისთვის, ჩვენ გვჭირდება საუბარი სტუდენტებთან იმის შესახებ, თუ როგორ ხდება მონეტიზაცია იუთუბზე და როგორ ხდება გუგლის გენერირება. ჩვენ გვჭირდება აუდიტორიაში დავაბრუნოთ რეალური ცხოვრება. თუ ჩვენ ეს არ გავაკეთეთ, მაშინ ჩვენ დავკარგავთ სტუდენტის ყურადღებას და დავკარგავთ სტუდენტს აუდიტორიაში. ეს არის ის თამასა, რისი შექმნაც მე და ჩემს გუნდს გვსურს", - განაცხადა ქადაგიძემ.
ვიდეოლექციების პრაქტიკა გავრცელდება ბიზნესის სკოლის მიერ წარმოდგენილ თითქმის ყველა საგანზე დაწყებული ბიზნესის საფუძვლებით და დამთავრებული მიკროეკონომიკით.
თავდაპირველად ილიაუნის ბიზნესის სკოლამ გაუშვა საპილოტე პროექტი, რომლის ფარგლებშიც სტენფორდის უნივერსიტეტმა მისცა მათ მიკროეკონომიკისა და მაკროეკონომიკის კონტენტის გამოყენების უფლება. ეროვნული ბანკის დახმარებით ილიაუნმა გადათარგმნა ეს ვიდეოლექციები და ხელმისაწვდომი გახდა ილიაუნის ბიზნესის სკოლის სტუდენტებისთვის.
ვიდეოლექციების დანერგვის პრაქტიკასთან ერთად ილიაუნის ბიზნესის სკოლის დეკანმა ისაუბრა საგამოცდო ცენტრის შესახებ. მისი თქმით, საგამოცდო ცენტრს აქვს ორი უპირატესობა: პირველ რიგში ის დააშორებს ლექტორსა და სტუდენტს ერთმანეთისგან შეფასებისა და გამოცდის ჩატარების პროცესში, ხოლო მეორე მხრივ გაათანაბრებს და მნიშვნელოვან სტატისტიკას მისცემს მათ აკადემიურ მოსწრებასთან, შეფასებებთან და სხვადასხვა ინფორმაციასთან დაკავშირებით, რომელიც მთლიანად სასწავლო პროცესს მნიშვნელოვნად აიყვანს უფრო მაღალ დონეზე.
"ჩვენ იმედი გვაქვს, რომ სრულიად განახლებული ახალი მიდგომებით, ახალი მეთოდებითა და ტექნოლოგიების გამოყენებით დაგეგმილი სასწავლო პროცესი იქნება ახალი სტანდარტის დამამკვიდრებელი არა მხოლოდ ჩვენს უნივერსიტეტში, არამედ, საბოლოო ჯამში, როგორც ქვეყანაში, ასევე რეგიონში", - აღნიშნა ილიას სახელმწიფო უნივერსიტეტის რექტორმა გიგა ზედანიამ.
ილიაუნის ბიზნესის სკოლა ყველაზე დიდი ბიზნესსკოლაა საქართველოში, რომელიც 12 წელია ფუნქციონირებს. მათი მიზანია თანამედროვე სტანდარტების შესაბამისად მოამზადონ ბიზნესის ადმინისტრირების სფეროს სპეციალისტები, რომლებიც შეძლებენ სხვადასხვა სექტორში წარმატებულ საქმიანობას, როგორც ადგილობრივი, ისე საერთაშორისო მასშტაბით.
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
-
გადახედვადაკავებული აზერბაიჯანელი ჟურნალისტი ამბობს, რომ პოლიცია მას სცემს და აწამებს — რა ვიცით იმრან ალიევზე დაკავებული აზერბაიჯანელი ჟურნალისტი ამბობს, რომ პოლიცია მას სცემს და აწამებს — რა ვიცით იმრან ალიევზე
-
-
გადახედვაყალბი ჯანმრთელობის ცნობა 2000 დოლარის სანაცვლოდ — სუსმა რუსთავის პოლიკლინიკის დირექტორი და ექიმი ამხილა ყალბი ჯანმრთელობის ცნობა 2000 დოლარის სანაცვლოდ — სუსმა რუსთავის პოლიკლინიკის დირექტორი და ექიმი ამხილა
-
გადახედვარა ასაკში მიაჩნიათ ადამიანი ხანდაზმულად რა ასაკში მიაჩნიათ ადამიანი ხანდაზმულად
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
-
გადახედვამესტიის მერი დეკლარაციაში ქონებას მალავს — TI მესტიის მერი დეკლარაციაში ქონებას მალავს — TI
-
-
-
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
კომენტარები