ქუთაისში, ინტერვენციული მედიცინის ეროვნულ ცენტრში გვიან ღამით გარდაიცვალა საქართველოს სარაგბო ნაკრების მოთამაშის, მერაბ კვირიკაშვილის ცოლი ანანო ბუაძე. არსებული ინფორმაციით, გარდაცვალება ავტოავარიის შემდგომ მიღებული დაზიანებების გართულებამ გამოიწვია.

ტრაგიკული შემთხვევა 21 ივლისს მოხდა. ავტომობილი, რომელშიც მორაგბეები - მერაბ კვირიკაშვილი და გიორგი ლომინაძე ცოლებთან ერთად იმყოფებოდნენ, საპირისპიროდ მოძრავ ავტომობილს შეეჯახა. შეჯახების დროს მეორე ავტომობილში მყოფი სამივე პირი, მათ შორის ახალგაზრდა ცოლ-ქმარი - ნუცა კალანდარია და გიორგი პაპასკირი, დაიღუპა. დაშავებულები ამ დრომდე რჩებიან საავადმყოფოში.

ანანო ბუაძეს 4 მცირეწლოვანი შვილი დარჩა. ასევე ერთი მცირეწლოვანი შვილი დარჩა მეორე ავტომობილში გარდაცვლილ წყვილს.