თუ ბუნებაში გადარჩენა გსურთ, თქვენ ყოველთვის თქვენს მოწინააღმდეგეზე ერთი ნაბიჯით წინ უნდა იყოთ. ღამურები ძალიან კარგი მონადირეები არიან, თუმცა მწერების ნაწილმა ღამურების დასაბნევად ჭკვიანური სტრატეგია მოიფიქრა.

მეცნიერებმა მიაკვლიეს, რომ აბრეშუმის პეპლების ნაწილს განვითარებული აქვს ბევრად უფრო დიდი ზომის კუდი, რომელიც მათ საშუალებას აძლევს ექოები თავისი სხეულიდან უფრო მოშორებით არეკლონ და დააბნიონ ღამურები, რომლებიც ამ ანარეკლებს მათი სივრცეში აღმოჩენისთვის იყენებენ.

ამის შემდეგ მეცნიერებმა კოლექციებში არსებული უამრავი პეპლის სხეული და კუდის ზომა შეისწავლეს და სცადეს გაერკვიათ არსებობს თუ არა რაიმე ოპტიმალური ზომა, რომელიც ყველაზე მეტადაა ეფექტური ღამურების წინააღმდეგ. მათ მართლაც აღმოაჩინეს კუდის რამდენიმე ფორმა, რომელიც ყველაზე კარგად ახერხეხბდა ღამურების მოტყუებას.

შემდეგ კი ნახეს, რომ პეპლების ერთმანეთისგან დამოუკიდებელ ჯგუფებში ასეთი კუდის ფორმების მიმართ სელექციური წნეხი არსებობს. პეპლების სხვადასხვა სახეობები ნაბიჯ-ნაბიჯ ცდილობენ, რომ უფრო და უფრო დაემსგავსონ ამ ოპტიმალურ ფორმებს.

კვლევის მიხედვით ღამურების არიდებაში ყველაზე წარმატებული პეპელა მადაგასკარის ჩრდილი, ან სხვაგვარად, აფრიკული ღამის ჩრჩილია. ის შემთხვევების 73 პროცენტში ახერხებდა ღამურისგან თავის დაძვრენას.

ღამის პეპლები და ღამურები ერთმანეთთან უკვე ათეულობით მილიონი წელია ბრძოლაში არიან ჩართულები, თუმცა, როგორც ჩანს, ღამურებმა ჯერ კიდევ არ იციან რა დაუპირისპირონ პეპლების ამ ტექნიკას.