აშშ-ს პრეზიდენტი დონალდ ტრამპი აღფრთოვანებას გამოხატავს სიდნი სვინის "შესანიშნავი ჯინსებისა" და რესპუბლიკელობის შესახებ.

"სიდნი სვინის, რეგისტრირებულ რესპუბლიკელს, ყველაზე ცეცხლოვანი რეკლამა აქვს. რეკლამა American Eagle-სთვისაა და მაღაზიებში ჯინსების თაროები ცარიელდება. მიდი, სიდნი!", წერს ტრამპი. როგორც ჩანს, ტრამპმა სიდნი სვინის კონტროვერსიის შესახებ კვირას გაიგო, მაშინ, როცა ჟურნალისტებმა კომენტარის გაკეთება სთხოვეს ჭორებზე, თითქოს სვინი რეგისტრირებული რესპუბლიკელია.

რეგისტრირებული რესპუბლიკელია? მაშინ მიყვარს მისი რეკლამა

"გაგიკვირდებათ, რამდენი ადამიანია რესპუბლიკელი. ეს არ ვიცოდი, გამიხარდა, რომ მითხარით. თუ სიდნი სვინი რესპუბლიკელია, მაშინ მისი რეკლამა ფანტასტიკურია".

ამასთან ერთად, ტრამპმა სიდნი იმ ამერიკელ ვარკვლავს შეადარა, რომელზეც დიდად არ გიჟდება — ტეილორ სვიფტს. მომღერალი ღიად გამოხატავს დემოკრატების მიმართ მხარდაჭერას, რასაც ტრამპი ვერ პატიობს.

"შეხედეთ ლიბერალ ტეილორ სვიფტს. მას შემდეგ, რაც მსოფლიოს მისი ნამდვილი სახე დავანახე, როცა ვთქვი, რომ ვერ ვიტან ტეილორს, სუპერ-ბოულიდან ყვირილით გამოაგდეს და მიმზიდველობაც დაკარგა. ყველაფერი შეიცვალა — ლიბერალობა ლუზერებისთვისაა, რესპუბლიკელობა უნდა გინდოდეთ", — თქვა პრეზიდენტმა.

ფოტო: David Eulitt / Getty Images

ტეილორ სვიფტი სინამდვილეში არავის გამოუგდია სუპერ-ბოულიდან და დღესაც მსოფლიოს ერთ-ერთი ყველაზე წარმატებული მუსიკოსია.

სიდნი სვინის რეკლამამ ინტერნეტში დიდი აჟიოტაჟი გამოიწვია. რეკლამა სიტყვებით "ჯინსებითა" და "გენებით" თამაშობს და ხაზს უსვამს ფაქტს, რომ სიდნი შესანიშნავად გამოიყურება, ჯინსებით თუ მათ გარეშე. ხალხის ნაწილი თვლის, რომ კამპანია თეთრკანიანების უპირატესობაზე მიუთითებს და "ნაცისტურ პროპაგანდას" ეწევა.

ფოტო: American Eagle

ამ ყველაფერს კი რესპუბლიკელები ლიბერალების ისტერიკას უწოდებენ: "ლამაზმა გოგომ ჯინსების რეკლამა გააკეთა და ხალხი გადაირია. ეს ბევრს მეტყველებს მათზე", — თქვა აშშ-ს ვიცე-პრეზიდენტმა.

პრეზიდენტის სიტყვებზე არც American Eagle-ს და არც სიდნი სვინის წარმომადგენელს არ გაუკეთებია კომენტარი. თუმცა, კომპანია კონტროვერსიას გამოეხმაურა და თქვა, რომ რეკლამა მხოლოდ და მხოლოდ ჯინსებზეა.

იხილეთ: American Eagle სიდნი სვინის კამპანიის მწვავე კრიტიკას გამოეხმაურა