საქართველოს მეხუთე პრეზიდენტი, სალომე ზურაბიშვილი მზია ამაღლობელის განაჩენის გამოცხადების 6 აგვისტოსთვის გადადებას სოციალურ ქსელში ეხმაურება. მისი თქმით ეს ნაბიჯი არ არის სამართლებრივი პროცესი, ეს არის პოლიტიკური დევნა.

"დღევანდელმა დღემ კიდევ ერთხელ აჩვენა, რომ ეს არ არის სამართლებრივი პროცესი — ეს არის პოლიტიკური დევნა. მზია ამაღლობელის გატეხას დაუსრულებელი გადადებებითა და არაჰუმანური პირობებით ცდილობენ. სისტემას ჰქონდა საკმარისი დრო. ეს არ არის გადადებული სამართალი — ეს არის სამართლის ბოროტად გამოყენება", — წერს ზურაბიშვილი.

ცნობისთვის, დღეს ბათუმის საქალაქო სასამართლოში მზია ამაღლობელის დასკვნითი პროცესი გაიმართა, სადაც მან საბოლოო სიტყვა წარმოთქვა, თუმცა განაჩენის გამოცხადება 6 აგვისტომდე გადაიდო.