ამერიკელმა კონგრესმენმა, ჯო უილსონმა MEGOBARI აქტთან დაკავშირებით სოციალურ ქსელში განცხადება გაავრცელა. მისი თქმით ქართველი ხალხი უკვე 250-ე დღეა ებრძვის "ანტიამერიკულ ოცნების რეჟიმს" და ამის დასრულებისთვის MEGOBARI აქტია საჭირო.

"250 დღის განმავლობაში, უშიშარი ქართველი ხალხი უწყვეტად აპროტესტებს ანტიამერიკულ "ქართული ოცნების" რეჟიმს. ისინი იმ რეჟიმის დასრულებას ითხოვენ, რომელმაც ქვეყანა სრულად მიჰყიდა კომუნისტურ ჩინეთს, ტერორისტულ თეირანსა და ომების დამნაშავე პუტინს. ჩვენ გვჭირდება MEGOBARI აქტი!" — დაწერა ჯო უილსონმა.