თბილისის მერია აცხადებს რომ Tbilisi Open Air მუსიკალურ ფესტივალზე დასწრების მსურველთათვის უფასო ავტობუსები დაინიშნება, რომლებიც 29 ივლისიდან 31 ივლისის ჩათვლით, 14:00 საათიდან 00:00 საათამდე იმოძრავებენ.

მუნიციპალური ავტობუსები 10-15 წუთის ინტერვალით, მეტრო დელისიდან გავლენ, ვაჟა-ფშაველას გამზირიდან ქავთარაძის N1-თან მობრუნდებიან, გზას ალექსანდრე ყაზბეგის გამზირზე განაგრძობენ და იონა ვაკელის, ბუდაპეშტისა და ივანე ბერიტაშვილის ქუჩების მეშვეობით ლისის ტბაზე ავლენ.

უკუმიმართულებით მორაობისას გაივლიან ბერიტაშვილის, ბუდაპეშტისა და ვაკელის ქუჩებს, ჩაუხვევენ ვაჟა-ფშაველას გამზირზე და კვლავ მეტრო დელისთან გაჩერდებიან.