კომპანია შთადლერთან შეთანხმება შედგა. კომპანია საქართველოში ქარხანას ააშენებს. ამის შესახებ ინფორმაცია თბილისის მერია ავრცელებს.

"ვინაიდან, შვეიცარული კომპანიისთვის არსებული ბიზნესგარემო მიმზიდველი აღმოჩნდა, შტადლერმა საქართველოში რეგიონული ქარხნის აშენების გადაწყვეტილება მიიღო. აღსანიშნავია, რომ კომპანიას მსოფლიოს თითქმის ყველა კონტინენტზე სხვადასხვა სიმძლავრის საწარმო გააჩნია", - აცხადებენ თბილისის მერიაში.

უწყებაში ამობობენ, რომ მემორანდუმის დოკუმენტს ხელი თბილისის მერმა კახა კალაძემ, კომპანია მფლობელმა და სამეთვალყურეო საბჭოს თავმჯდომარე პეტერ შპულერმა და საქართველოს რკინიგზის გენერალურმა დირექტორმა დავით ფერაძემ მოაწერეს.

"შტადლერთან მემორანდუმს მოვაწერეთ ხელი, რომელიც მოლაპარაკებების დაწყებას ითვალისწინებს, რომ საქართველოში მეტროს ვაგონებისა და რკინიგზის სამგზავრო ვაგონების აწყობა-წარმოების ქარხნის აშენება შევძლოთ. ეს ძალიან მნიშვნელოვანია იმ თვალსაზრისით, რომ ახალ სამუშაო ადგილებს შევქმნით. ასევე, მნიშვნელოვანია სატრანსპორტო მიმართულებით, რადგან ახალი ავტობუსების შემოყვანა და სამგზავრო ვაგონების განახლება გვაქვს დაგეგმილი. დედაქალაქს ახალი, თანამედროვე, ევროპული ტიპის შტადლერის მარკის ვაგონები ეყოლება. ამ მიმართულებით, მგონია, რომ შეთანხმებას საბოლოოდ მივაღწევთ", - განაცხადა კახა კალაძემ.