დღეს, 28 აპრილს ვანისა და ხონის მაჟორიტარულ #54 საარჩევნო ოლქში პარლამენტის შუალედური არჩევნები ტარდება. 60 საარჩევნო უბანი დილის რვა საათზე გაიღო და საღამოს რვა საათზე დაიხურება.

სულ დარეგისტრირებული ექვსი კანდიდატი:

  • გიორგი უგულავა - ბაქრაძე, უგულავა - ევროპული საქართველო;
  • გიორგი ლილუაშვილი - საქართველო;
  • ზურაბ ქართველიშვილი - ტრადიციონალისტები;
  • გივი ჭიჭინაძე - ქართული ოცნება - დემოკრატიული საქართველო;
  • მამუკა ტუსკაძე - ახალი ქრისტიან-დემოკრატები;
  • ვასილ კოპალიანი - საინიციატივო ჯგუფი - სოფიო მეშველიანი, შორენა ჯურხაძე, ვაჟა კოპალიანი, თამარ კუხალაშვილი, მარინა ჩაგუნავა.

შუალედური არჩევნების ჩატარება მას შემდეგ გახდა საჭირო, რაც ქართული ოცნების დეპუტატმა, გრიგოლ ლილუაშვილმა სახელმწიფო უსაფრთხოების სამსახურში ვახტანგ გომელაურის მოადგილის პოსტზე გადაინაცვლა. ის ხონისა და ვანის მაჟორიტარი 2016 წლის საპარლამენტო არჩევნების შედეგად გახდა.