საქართველოში გვარის შეცვლა გამკაცრდა. კანონი საქართველოს პარლამენტმა 79 ხმით, ყველა დეპუტატი უმრავლესობის წევრია. კენჭისყრა გუშინ, 18 აპრილს ჩატარდა.

კანონში შესული ცვლილებები

  • გვარის შეცვლა შესაძლებელია მხოლოდ ერთხელ. სრულწლოვან ადამიანს შეუძლია გვარად მიიღოს მშობელთა შეერთებული გვარები, ბებიისა და პაპის გვარები, ფაქტობრივი აღმზრდელს გვარი ან ისტორიული გვარი;
  • რეგულაციების ქვეშ არ ექცევიან ის პირები, ვინ გვარი უვიზო რეჟიმის ამოქმედებამდე შეიცვალეს.

შეზღუდვები არ გავრცელდება

  • ქორწინების დროს მეუღლის გვარის მიღების შემთხვევაში;
  • განქორწინების შემდეგ მეუღლის გვარის დატოვების შემთხვევაში.

სხვა შემთხვევები

  • პირს ყოველთვის შეეძლება დაიბრუნოს საკუთარი ქორწინებამდელი გვარი;
  • შვილად აყვანისას მიიღოს მშვილებლის გვარი;
  • მამობის დადგენსას მიიღოს მამის გვარი;
  • საქართველოში დაბადებული პირისთვის სხვა ქვეყანაში გვარის მიღების შემდეგ საქართველოს მოქალაქეობის მინიჭების შემთხვევაში.

სახელისა და გვარის კანონიერად აღიარება დაუშვებელია

  • თუ პირი ეჭვმიტანილია დანაშაულის ჩადენაში და იძებნება საქართველოს ან უცხო ქვეყნის სამართალდამცავი ორგანოების მიერ;
  • თუ პირი დეპორტირებული ან რეადმისირებულია საქართველოში და დეპოტაციიდან/რეადმისიიდან არ გასულა 5 წელი;
  • თუ განცხადება გვარის შეცვლაზე არ არის წარდგენილი სააგენტოს ტერიტორიულ სამსახურში ან საზღვარგარეთ საქართველოს დიპლომატიურ წარმომადგენლობაში ან საკონსულო დაწესებულებაში უშუალოდ დაინტერესებული პირის მიერ.

გვარის შეცვლის გამკაცრების კანონპროექტზე მუშაობა საქართველოს ხელისუფლებამ მოქალაქეების მიერ ევროკავშირთან უვიზო რეჟიმის შესაძლო დარღვევის პრვენციისთვის დაიწყო. საგარეო საქმეთა მინისტრის მოადგილის, ვახტანგ მახარობლიშვილის თქმით, მთელი რიგი მოქალაქეები იცვლიდნენ გვარს მას შემდეგ, რაც უარი ჰქონდათ მიღებული თავშესაფარზე და შემდგომ ხელახლა მიმართავდნენ თავშესაფარს.

თავშესაფრის მინიჭების ევროპული სააგენტოს (EASO) სტატისტიკით, 2016 წელთან შედარებით, 2017 წელს ევროკავშირის წევრ ქვეყნებში თავშესაფრის მაძიებელი საქართველოს მოქალაქეების რიცხვი 35%-ით გაიზარდა.