ფეისბუქისა და კემბრიჯ ანალიტიკას სკანდალის შემდეგ, კომპანია ცდილობს მომხმარებლებში ნდობა აღიდგინოს და ამისთვის მნიშნელოვან გადაწყვეტილებებს იღებს. ფეისბუქმა მომხმარებლებისთვის უკვე გაამარტივა თავიანთი მონაცემების წაშლის ფუნქცია, ინტეგრირებული აპლიკაციების ერთობლივად წაშლის შესაძლებობა და გააუმჯობესა ახალი ამბების ვერიფიცირების ხელსაწყოც.

ეს ნაბიჯები, ფეისბუქმა, ნდობის ასამაღლებლად და სერვისის გასაუმჯობესებლად გადადგა, თუმცა კომპანია ამაზე გაჩერებას არ აპირებს. წლების განმავლობაში, ფეისბუქი მუდმივად ამბობდა, რომ მათთვის მომხმარებლების აზრი უმნიშვნელოვანესი იყო და ყველა გადაწყვეტილებას მათ სასიკეთოთ იღებდა.

ბოლო პერიოდში, კომპანიის იმიჯს ჩრდილი მიადგა. სწორედ ამიტომ, ფეისბუქმა მომხმარებლებში გამოკითხვის ჩატარება გადაწყვიტა. კითხვების ადრესატები შემთხვევითი შერჩევის პრინციპით არის შერჩეული და მათ თავად ფეისბუქი სთხოვს გამოკითხვაში მონაწილეობას. ავტორიზაციის გავლის შემდეგ, ველში ჩნდება წარწერა "We Would like to do better" (ჩვენ გვსურს გავხდეთ უკეთესები), სადაც კვლევაში მონაწილეებს პასუხის დაფიქსირება შეუძლიათ.

გამოკითხვის მთავარი დებულებაა: "ფეისბუქის არსებობა სასარგებლოა მსოფლიოსთვის". პასუხები "სრულიად ვეთანხმებისა" და "საერთოდ არ ვეთანხმების" შორის მერყეობს.

უცნობია, რამდენი ადამიანის გამოკითხვას გეგმავს კომპანია.

ასე რომ, თუ თქვენს კედელზე მსგავსი შეკითხვა გამოჩნდება, იცოდეთ, რომ ფეისბუქის გამოკითხვაში იღებთ მონაწილეობას.

ამავე თემაზე: