Facebook-ის დამფუძნებელი, მარკ ცუკერბერგი კონგრესში Cambridge Analytica-ს საქმეზე ჩვენებას მისცემს. ინფორმაციას ამის შესახებ CNN საკუთარ წყაროზე დაყრდნობით ავრცელებს.

მანამდე, ამერიკულ მედიაში გავრცელდა ინფორმაცია, რომ მარკ ცუკერბერგი კონგრესში საქმის განხილვას არ დაესწრებოდა, თუმცა ამ დროისთვის კომპანიაში აცხადებენ, რომ ის კონგრესის მოწვევას მიიღებს და 12 აპრილს გასამართ მოსმენებს პირადად დაესწრება.

საქმე ეხება ბრიტანულ ანალიტიკურ ცენტრ Cambridge Analytica-სთვის, Facebook-ის 50 მილიონი მომხმარებლის პირადი ინფორმაციის გადაცემას, მომხმარებლების თანხმობის გარეშე. მონაცემები კომპანიამ, სავარაუდოდ, 2016 წლის აშშ-ს საპრეზიდენტო არჩევნების კამპანიის დროს ამერიკელ ამომრჩევლებზე მანიპულირებისთვის გამოიყენა.

სკანდალი, რომლის გამოც Facebook-ის აქციები მკვეთრად ეცემა - მარტივად

ცუკერბერგის კომპანია ბოლო თვეების განმავლობაში, მომხმარებლების მხრიდან უნდობლობას განიცდის. კომპანიაში აცხადებენ, რომ ამ დროისთვის მიმდინარეობს ჩვენების სტრატეგიაზე მუშაობა, რომელსაც კომპანიის აღმასრულებელი დირექტორი ამერიკელი კანონმდებლების წინაშე მისცემს.

სენატის იურიდიული კომიტეტის თავჯდომარემ ჩაკ გრეზლიმ, ჩანიშნულ მოსმენებზე Google-ისა და Twitter-ის აღმასრულებელი დირექტორები სუნდარ პიჩაი და ჯეკ დორსიც მიიწვია.

გაიგეთ მეტი: