გარემოს ეროვნული სააგენტოს ყოფილი ხელმძღვანელი, თამარ ბაგრატია ფეისბუკზე წერს, რომ თანამდებობა პირადი განცხადების საფუძველზე დატოვა, რადგან რეორგანიზაციის პროცესში გარემოსა და სოფლის მეურნეობის მინისტრის მოადგილემ, ნინო თანდილაშვილმა სააგენტოში უფროსის პირველი მოადგილის ვაკანტურ თანამდებობაზე კონკრეტული პირის დანიშვა მოითხოვა.

"მე ვერ გავიზიარე ასეთი დირექტივა, მითუმეტეს, ასევე, ვთვლი, რომ მსგავს თანამდებობებზე პირები კონკურსის წესით უნდა იქნენ შერჩეულნი და შემდგომი გართულებების თავიდან ასაცილებლად იძულებული გავხდი დამეწერა განცხადება თანამდებობის დატოვების შესახებ. ასევე, ასეთივე უპირობო დირექტივას თავი აარიდა გარემოს ეროვნული სააგენტოს უფროსის მოადგილემ და ასევე დაწერა განცხადება თანამდებობის დატოვების შესახებ", - წერს ბაგრატია.

მისი თქმით, არსებობს სატელეფონო მიმოწერა, რომლითაც მისი სიტყვები დასტურდება. თამარ ბაგრატიამ სააგენტოს უფროსის თანამდებობა 14 მარტს დატოვა.