აღიარებულ სამხრეთ კორეელ რეჟისორ, კიმ კი-დუკს სამი მსახიობი ქალი სექსუალურ შევიწროებასში, ძალადობასა და გაუპატიურებაში სდებს ბრალს.

ბრალდებები პირველად 6 მარტს, ერთ-ერთი სამხრეთ კორეული ტელევიზიის ეთერში გაისმა, სადაც გადაცემაში სტუმრად მყოფმა ქალმა მსახიობებმა კიმ კი-დუკის ქმედებებზე ისაუბრეს

სამივე მსახიობი ანონიმურად საუბრობდა რეჟისორის მხრიდან ძალადობაზე, ისტორიები კი თითქმის ანალოგიური იყო - რეჟისორი სასტუმროს ნომერში სცენარის განსახილველად ეპატიჟება დამწყებ მსახიობებს, შემდეგ კი ფიზიკურად და სექსუალურად ძალადობს.

სამხრეთ კორეელმა რეჟისორმა ბრალდებებს უკვე უპასუხა:

"სურვილების დასაკმაყოფილებლად ჩემი, როგორც რეჟისორის სტატუსი არასოდეს გამომიყენებია", - წერია რეჟისორის განცხადებაში.

კიმ კი-დუკის გარდა ბრალდებები გაისმა რეჟისორის ერთ-ერთი ფავორიტი მსახიობის, ჩო ჯე-ჰიონის მისამართით. ერთ-ერთი ქალი მსახიობი ყვებოდა, რომ ჩომ და კიმმა სასტუმროს ნომერში ერთად გააუპატიურეს.