თბილისის მერმა, კახა კალაძემ განაცხადა, რომ 2017 წლის 20 ნოემბრიდან 2018 წლის 17 იანვრის ჩათვლით სამშენებლო სამართალდარღვევებზე დაკისრებული საჯარიმო თანხა ჯამში 627 ათასი ლარია.

მერმა ზედამხედველობის სამსახურის მიერ მომზადებული სტატისტიკა წარმოადგინა, რომლის მიხედვით ამავე პერიოდში დარღვევით მიმდინარე სამუშაოების გამო შეჩერდა 54 ობიექტის მშენებლობა.

გარდა ამისა, სამშენებლო საკითხების მოწესრიგებასთან დაკავშირებით სიტყვიერი გაფრთხილება მიეცა 200-ზე მეტ სამშენებლო ობიექტს და 126 ობიექტის მიმართ უსაფრთხოების ნორმებისა და სამშენებლო პროექტის დარღვევებზე სამშენებლო სამართალდარღვევის საქმის წარმოება დაიწყო.

კალაძის განცხადებით, ზედამხედველობის სამსახურის მიერ წარმოდგენილი რიცხვები საგანგაშოა:

"ჩვენ ვზრუნავთ იმ ადამიანებზე, რომლებიც კონკრეტულ მშენებლობებზე მუშაობენ, მათ უსაფრთხოებაზე და ასევე, არავითარ შემთხვევაში დავუშვებთ, რომ მიწები დაიტაცონ და უკანონო მშენებლობები წამოიწყონ".