თბილისის მერიამ იუმორინას კონცერტი წელსაც დააფინანსა. წელს შპს შემოქმედებით გაერთიანებას ლომისი 27 ათასი ლარი გადაერიცხება. ხელშეკრულება მიმდინარე წლის 5 ოქტომბერს, თბილისის მერის არჩევნებამდე რამდენიმე კვირით ადრე, გაფორმდა.

ხელშეკრულების მიხედვით, თბილისის მერიამ დააფინანსა:

  • ფილარმონიის საკონცერტო დარბაზის იჯარა 15 ათასი ლარით;
  • სცენის ლინოლიუმი და პლაზმური ეკრანი 12 ათასი ლარით.

On.ge-მ კულტურის სამინისტროდანაც გამოითხოვა ინფორმაცია იუმორინა 2018-ის დაფინანსების შესახებ, თუმცა უწყებაში აღნიშნავენ, რომ მათ თანხა არ გადაურიცხავთ.

შპს შემოქმედებითი გაერთიანება ლომისის დაფინანსებაზე ინფორმაცია On.ge-მ გასულ წელსაც გამოაქვეყნა. იუმორინა 2017 თბილისის მერიამ 59 ათასი ლარით დააფინანსა.